Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstannyń halyq partıasy prezıdent saılaýynda Toqaevty qoldaıtynyn málimdedi

02 qyrkúıek 2022 68
[ad_1]



Qazaqstannyń halyq partıasy (2020 jyly partıa "komýnıstik" degen ataýdy alyp tastaǵan) kúzde ótetin kezekten tys prezıdent saılaýynda úmitker usynbaıtynyn málimdedi.


"Biz osyǵan deıin málimdegendeı, kezekten tys prezıdent saılaýynda memleket basshysy Qasymjomart Toqaevtyń kandıdatýrasyn qoldaımyz. Sonymen birge 1 qyrkúıekte prezıdent joldaýynda aıtylǵan ózgeristerdi de tolyq qoldaımyz" dep jazylǵan partıanyń taratqan málimdemesinde.


Qazaqstannyń halyq partıasy 2023 jylǵa belgilenip jatqan parlament saılaýyna qatysatynyn da jetkizgen.


Qazaqstan prezıdenti Qasym-Jomart Toqaev bıyl kúzge kezekten tys prezıdent saılaýyn belgiledi. Bul týraly ol 1 qyrkúıektegi joldaýynda málimdedi.


"Ádiletti Qazaqstan jolyndaǵy túpki ári keshendi reformalardy sátti júzege asyrý úshin halyqtyń jańa senim mandaty kerek" dedi Toqaev."Men úshin memlekettiń múddesi bárinen bıik. Sol sebepti men óz quzyretimniń merzimin qysqartyp, kezekten tys saılaýǵa túsýge daıynmyn" dep qosty ol.


Toqaev sondaı-aq saılaýdan keıin parlamentke prezıdenttikti bir merzimmen shekteýdi usynatynyn aıtty.


Qazirgi zań boıynsha, bir adam bes jyldyq eki merzimge saılana alanady.


Toqaevtyń qazirgi merzimi 2024 jyly aıaqtalady. Munyń aldynda ol eki merzimnen artyq otyrmaıtynyn aıtqan.


Bıyl maýsymda Qazaqstanda konstıtýsıaǵa túzetý engizý jóninde referendým ótken. Bul túzetýler ata zańnan Nursultan Nazarbaevqa berilgen artyqshylyqtardy alyp tastady. Referendým qarsańynda Toqaev prezıdenttik merzimin nólge teńestirmeıtinin aıtqan.


Toqaev prezıdenttikke 2019 jyly Nursultan Nazarbaev otstavkaǵa ketken soń kelgen. Resmı nátıje boıynsha, oǵan saılaýshylardyń 70 paıyzy daýys bergen. Saılaý barysynda bılikke qarsy narazylyq kúsheıdi. Polısıa narazylardy jappaı ustady. Opozısıa men táýelsiz baqylaýshylar saılaý kezinde burmalaý faktileri kóp boldy dep málimdedi.






[ad_2]

Derekkóz
Bul maqala týraly ne oılaısyz?