Tiri bolsam, qazaqqa qyzmet etpeı qoımaımyn!

Álıhan Bókeıhan

Marǵulan Seısenbaev Joldaýǵa kúdikpen qaraıdy

02 qyrkúıek 2022 61
Belgili kásipker, qarjyger Marǵulan Seısembaı prezıdent Toqaevtyń Joldaýyna qatysty pikir bildirdi dep habarlaıdy www.alash.kz.

Jalpy joldaý jaqsy, biraq keıbir unamaǵan tustary bar…

Birinshiden, burynǵy bılik, olardyń jemqorlyǵy men kapıtaldary jaıly birde-bir sóz aıtylmady. Toqaev burynǵy bılik pen onyń mańyndaǵylarǵa barlyq urlaǵanymen ketýge múmkindik bergen sıaqty.
Eger burynǵy jemqorlar typ-tynysh urlaǵan aqshasymen shetelde demalyp júrse ádiletti Qazaqstanǵa sený qıyn eken.

Menińshe, ádilettilikti qalpyna keltirip, burynǵy bılikke baǵa berý kerek dep esepteımin.


Ekinshiden, ókilettilik merzimin 7 jylǵa uzarta otyryp, kezekten tys prezıdent saılaýyn ótkizý degenimiz bul is júzinde óz ókilettigin 2029 jylǵa deıin uzartý.

Toqaevtyń 2019 jyly bılikke kelgenin eskersek, ol kem degende 10 jyl bılikte otyrady degen sóz. Al bul árıne belgili bir qaýip týǵyzady.

Úshinshiden, elimizdiń qorǵanys qabiletin kúsheıtý jaıynda eshteńe aıtylmady.

Qorytyndylasaq:

1. Bıliktiń sabaqtastyǵy jaqsy, al jemqorlyqtyń sabaqtastyǵy jaqsy emes.
2. Konstıtýsıany oıynshyq qylý jalǵasýda jáne ol 7 jyldyq ókilettilikpen bite me, joq pa belgisiz.
3. Óz áskeriniń jaǵdaıyn jasaǵysy kelmeıtinder basqa bireýdiń áskerin toıdyrady.
4. Degenmen, bul sál de bolsa alǵa jyljý. Bul ómirde bári minsiz bola bermeıdi.
Bul maqala týraly ne oılaısyz?