Aqtóbe oblysynda beıtanys er adam dárigerdi óltirip ketti. Bul týraly belsendi Dına Tańsári málimdedi.
Aqtóbe qalasy Maresev kóshesindegi kópqabatty úıdiń páterinde pyshaq jaraqatyn alǵan áıeldiń denesi tabyldy. Dına Tańsári polısıa departamenti «Adam óltirý» deregi boıynsha sotqa deıingi tergeýdi bastap ketkenin aıtady.
«Qyz - endokrınolog. Mamandyǵyn 9 jyl oqyǵan. Belgisiz bir jigit onyń artynan ańdyǵan. Keshe balkonnan shyǵyp, qyzdy pyshaqtap ketken.», - dep jazdy qoǵam belsendisi óziniń feısbýk paraqshasynda.
Aqtóbe oblystyq Densaýlyq saqtaý basqarmasynyń basshysy Nurbol Tympıevtiń aıtýynsha, qaza bolǵan áıel - dáriger. Ol eńbek demalysynda bolǵan.
«Áıel adamnyń pyshaq jaraqattary túrindegi zorlyq-zombylyqpen óltirý belgileri bar máıiti tabyldy. Ustaý kezinde kúdikti qarsylyq kórsetip, polısıa qyzmetkerin jaraqattap, oqıǵa ornynan kólikpen qashyp ketken. Qýdalaý kezinde kúdikti birneshe avtokólikti soǵyp, Aqtóbe-Bolgarka jolynda aýdaryldy. Kúdikti ustaldy», - dep habarlady oblystyq PD baspasóz qyzmeti.
