Tiri bolsam, qazaqqa qyzmet etpeı qoımaımyn!

Álıhan Bókeıhan

Jetimder úıinen asyrap alǵan 2 jasar balany ájesi óltirip, baqshaǵa kómgen

23 sáýir 2024 491

65 jastaǵy Shýsınsk turǵyny balalar úıinen asyrap alǵan balalaryn uryp, bireýin tórt jyl buryn óltirip, úı aýlasyna kómgen. Bul týraly Alash.kz KTK telearnasyna silteme jasap habarlaıdy.

Polıseıler balanyń ólimi týraly múldem kezdeısoq bilgen. Ótken aptada soqqyǵa jyǵylǵan bes jasar bala balalar aýrýhanasyna jetkizildi. Oǵan bas súıek-mı jaraqaty, basynyń artqy jaǵyndaǵy gematoma dıagnozy qoıylǵan ári mıy shaıqalǵan. Asyrap alýshy asyǵystyqpen týý týraly kýálikti aralastyryp alǵan bolýy múmkin. Sodan polısıa kúdiktiniń otbasyna barýdy uıǵardy. Dál sol kezde týý týraly kýáliktiń ıesi 4 jyl buryn kóz jumǵanyn anyqtaǵan. Onyń máıiti baqshaǵa jerlengen.

Qazir tergeýshiler kisi óltirý men uryp-soǵýǵa 30 jastaǵy áıeldiń qatysy bar-joǵyn tekserip jatyr. Bul otbasynda balalar úıiniń jetim balalary patronattyq tárbıege, qorǵanshylyqqa nemese asyrap alýǵa alynǵan. Arnaıy tekseris bastaldy.

“Balanyń denesi tabylǵan soń qylmystyq kodekstiń 99-baby 3-bóligi "Adam óltirý" boıynsha sotqa deıingi tergeý bastaldy. Buǵan deıin 2018 jylǵy balanyń mert bolǵany anyqtalǵan, alaıda tıisti memlekettik organdarǵa ólim jáne jerleý faktisi týraly habarlanbaǵan. Qazirgi ýaqytta sot-medısınalyq jáne birqatar tıisti saraptamalar taǵaıyndaldy”, – dep málimdedi Aqmola oblystyq polısıa departamenti bastyǵynyń orynbasary Baqtıar Ótekın.

Bul maqala týraly ne oılaısyz?