Qýandyq Bıshimbaevtyń soty týraly sújette alqabılerdi elge kórsetip qoıǵan "KTK" arnasy jýrnalıseriniń ústinen ákimshilik quqyqbuzýshylyq týraly is qaralypty.
Sot basynan bastap BAQ ókilderine sot úkimin shyǵarǵan kezde olardyń obektıvtiligine áser etpeýi úshin alqabılerdi kórsetýge resmı túrde tyıym salǵan bolatyn. Alaıda KTK arnasy sújet barysynda alqabılerdi qatar alyp, bul vıdeo TikTok jelisinde tarap ketti.
Saldarynan qazaqstandyqtar alqabılerdi kórdi. Osydan keıin sot BAQ qyzmetkerlerin zaldan shyǵarý týraly sheshim qabyldady.
Keıin KTK qyzmetkerlerine qatysty ákimshilik quqyq buzýshylyq týraly kodekstiń 653-baby (sotty qurmettemeý) boıynsha hattama toltyrylyp, úsh adam - korespondent Anna ABRAMOVA, operator Abylhan Sambetov jáne bas redaktor Aleksandr Podoınıkov jaýapqa tartyldy.
Alǵashqy ekeýi kináni tolyq moıyndady. Al olardyń jetekshisi kináni ishinara moıyndady. Úsheýine de 20 AEK aıyppul salynyp, 5 táýlik merzimge ákimshilik qamaýǵa alý týraly jaza qoldanylǵan edi.
Alaıda sot keıin eskertýmen shektelip, eshkimdi qatty jazalamaýǵa sheshim qabyldady.
Jýrnalıser sot qaýlylaryna shaǵymdanýǵa quqyly.
