Tiri bolsam, qazaqqa qyzmet etpeı qoımaımyn!

Álıhan Bókeıhan

«Shet memlekettiń adamdaryna jer bermeımiz» - Túrkistan oblysynyń ákimi Darhan Satybaldy

21 sáýir 2024 229

«Shet memlekettiń adamdaryna jer bermeımiz». Bul pikirdi Túrkistan oblysynyń ákimi Darhan Satybaldy  túrik ınvestorlarymen ótken kezdesýde aıtty, dep habarlaıdy Alash.kz ulttyq portaly.

"Shet memlekettiń adamdaryna jer bermeımiz. Jer berýge bolmaıdy",- dedi Darhan Satybaldy.

Belgili bolǵandaı, túrik ınvestorlary Túrkistan oblysy, Shardary aýdanynda tamshylatyp sýarý ádisin paıdalaný arqyly júgeri egip, óńirde zaýyt salýǵa nıetti.  

Óz kezeginde aımaq basshysy memleketten jan-jaqty qoldaý bolatynyn aıtyp, ınvestorlarǵa zaýyt ashýda qoıylatyn basty talaptardy túsindirip,jergilikti turǵyndarǵa jańa kásiptiń qyr-syryn úıretýge shaqyrdy.

"Siz, mysaly úshin kelesiz. Jergilikti turǵyndarǵa júgeri qalaı ósiriletinin úıretesiz. Jer osy Qazaqstan azamatyniki bolýy kerek. Osy maqsatta kelisim-shartqa otyrasyzdar. Qytaı memleketinen maqta-toqyma klaster jasaýǵa kelgen. Olarǵa da aıtqanbyz. Bizde jerdi tek Qazaqstan azamaty ǵana ala alady. Olar kelisti. Onda memlekettiń balansynda bolsyn dedi. Biz áleýmettik-kásipkerlik korporasıasyna berdik. ÁKK sizdermen kelisim-shartqa otyrady. Sizder bizdiń jergilikti halyqqa júgeri egýdiń joldaryn úıretesizder, shyqqan ónimdi sizderge beredi" - dedi óz sózinde oblys ákimi.

Bul maqala týraly ne oılaısyz?