AQSH Ókilder palatasy araǵa kóp apta salyp Ýkraınany qoldaýǵa, shamamen, 61 mıllıard dollar bóletin zań jobasyna senimdi túrde daýys berdi. Zań shyǵarý prosesi aıaqtalǵannan keıin Vashıngton bıligi Kıevke qajetti áskerı qajettilikterdi qaıtadan jetkize alady, dep habarlaıdy Alash.KZ ulttyq portaly.
Zań jobasyn demokrattar da, respýblıkashylar da qoldady. Atap aıtqanda, 311 kongresmen "qoldap", 112 "qarsy" daýys berdi. Demokrattar arasynda Ýkraınaǵa barlyq 210 qatysýshy kómektesti. Respýblıkashylar arasynda 101 adam "qoldap" daýys berdi, biraq jartysynan kóbi,ıaǵnı, 112 kongresmen "qarsy"boldy.
Búdjettik suranysty Senat qaıta bekitýi kere.Ýkraınaǵa kómek kórsetýdi Senattaǵylar da qoldaıdy dep kútilip otyr. Senattyń kópshilik kóshbasshysy demokrat Chak Shýmer áleýmettik jelilerde senatorlar "seısenbide birinshi daýys berýdi aıaqtaıdy"dep jazdy. Degenmen, bul sońǵy daýys berý satysy emes.Kelesi aptada zań jobasy Senattyń qaraýynan ótedi dep kútilýde.
Sodan keıin oǵan prezıdent Djo Baıden qol qoıýy kerek. Ol bir sózinde qujat qolyna túsken boıda maquldaıtynyn aıtyp, aǵynan jarylǵan edi.
Oraıy kelgende aıta keteıik, Ýkraınany qoldaý týraly zań jobasynda jalpy somasy 60,84 mıllıard dollar shyǵyn qarastyrylǵan.
