Tiri bolsam, qazaqqa qyzmet etpeı qoımaımyn!

Álıhan Bókeıhan

Reseıdiń Túmen qalasy mańyndaǵy Esildiń sýy 10 metrge jetti

21 sáýir 2024 530

Reseıdiń Túmen oblysyndaǵy Túmen qalasy mańyndaǵy Esil ózeninde sý deńgeıi tańǵy saǵat 08:00-de (jergilikti ýaqytpen saǵat 06:00) 1051 sm-ge deıin kóterildi, dep habarlaıdy alash.kz saıty TASS aqparat agenttigine siltep.

Bul týraly aımaq basshylyǵynyń aqparat ortalyǵynan habarlady. 

Ilınka eldi mekeninde Esildegi sý deńgeıi bir táýlikte 12 sm-ge tómendedi. Abatskıı, Strehnıno jáne Korkıno eldi mekender aýmaǵynda sý deńgeıi jarty metrden astamǵa kóterildi. Sonymen qatar Ertis ózeninde de sý deńgeıi kóterilip, Ývat jáne Demánskoe eldi mekenderinde táýligine sáıkesinshe 75 sm jáne 65 sm qurady.

20 sáýirde saǵat 20:00-degi málimet boıynsha, Esil mańyndaǵy sý deńgeıi bir mezgilde 1006 sm-ge deıin kóterilgen. Bul rette bir táýlikte sý deńgeıi 140 sm-ge ósti. 

Buryn habarlanǵandaı, Reseıdiń Túmen oblysynda sý tasqyny bolýy múmkin aýmaq aıtarlyqtaı ulǵaıǵan. Turǵyndarǵa bóget buzylý qaýpi týraly da eskertildi.

Bul maqala týraly ne oılaısyz?