16 Sáýirde “Dala qyrandary" jastar birlestigi Batys Qazaqstan oblysynyń aýmaǵyndaǵy eldimekenderdi tabıǵı qubylystardyń teris áserinen qorǵaýǵa baǵyttalǵan sý tasqynyna qarsy is-sharalarǵa qatysty. Bul jumystardy júrgizýge birlestikke QR Týrızm jáne sport mınıstrligi bastaǵan elimizdiń belgili sportshylary jáne BQO-nyń túrli sport túrleriniń ókilderi qosyldy, dep habarlaıdy Alash.KZ ulttyq portaly.
Sportshylardyń osy aksıaǵa qatysýy yntymaqtastyq, komandalyq rýh jáne basqalarǵa kómektesý sıaqty sporttyq qundylyqtardyń mańyzdylyǵyn kórsetedi.
Qazirgi ýaqytta Oral qalasyna Serik Sapıev, Beıbit Ystybaev, Danıar Eleýsınov, Sergeı Syrýlnıkov, Erbol Hamıtov, Ashat Dilmuhamedov, Almaty Kebispaev, Vasılıı Tahtaı, Fırýza Sháripova jáne t.b. tanymal sportshylardan quralǵan alǵashqy eshelon Zachagansk eldimekenindegi bógetti nyǵaıtý jumystaryna at salysýda. Jergilikti turǵyndarǵa kómekke 400 adam jınaldy. Olar MMA, grek-rım jáne erkin kúres, grepplıng, fýtbol, fýtzal jáne t.b túrli sport túrleriniń ókilderi.
Eske salsaq, «Dala Qyrandary» JQB naýryz aıynda Qoıandy aýylynyń turǵyndaryna kómekke kelgen bolatyn. Qyrandar aýlalardy erip úlgermegen qardan tazartý arqyly jergilikti turǵyndardyń baspanalaryna qyzyl sýdyń kirýine jol bermedi. Al 3 sáýir kúni Astanadaǵy gýmanıtarlyq kómek jınaý núktesine kómek kórsetildi. Bul joly qajetti zattardy satyp alýǵa kómektesýden bólek, qaıyrymdy azamattar jibergen dúnıelerdi sol jerde suryptap, elimizdiń sý basqan aýdandaryna odan ári tasymaldaý úshin kólikterge tıedi. 9 sáýirde Taıtóbe kenti turǵyndaryna kómek qolyn sozdy. Al 10-ynan 11-inshi sáýirge qaraǵan túni qozǵalys qatysýshylary Jibek Joly aýyly turǵyndarynyń ótinishteri boıynsha jergilikti bógetti nyǵaıtý jumystaryna atsalysty.
Baılanys:
Akredıtteýden ótý jáne kez kelgen qosymsha aqparat alý úshin kelesi nómirge habarlasyńyz +7 701 111 06 32, +7 705 306 63 66, [email protected] (Anel).
«Dala Qyrandary» – Qazaqstannyń qoǵamyn túbegeıli ózgertýge daıyn belsendi ári maqsatty jastardyń basyn bir jerge toǵystyratyn jastar qoǵamdyq birlestigi.
