Tiri bolsam, qazaqqa qyzmet etpeı qoımaımyn!

Álıhan Bókeıhan

Úıleri sýǵa ketken jandarǵa memleket aqshany qolma-qol bere me?

23 sáýir 2024 356
Ónerkásip jáne qurylys mınıstri Qanat Sharlapaev sý tasqynynan zardap shekken azamattarǵa tólenetin ótemaqy qolma qol berilmeıtinin málimdedi. 

– Memleket eshqandaı qarajatty eshkimge qolǵa bermeıdi. Ár adam ártúrli. Qoǵamda jaýapkershiligi bar nemese jaýapkershiligi joq adamdar bar. Qazirgi tańda úıdi qaıta salý úshin qolǵa qarajat bersek, ol adam jeke maqsatyna jumsasa, qysta ol adamdy ne isteımiz? Sondyqtan memlekettiń sheshimi osyndaı, - dedi Sharlapaev úkimettiń baspasóz máslıhatynda.

Mınıstr sý tasqynynan zardap shekken azamattarda eki tańdaý bar ekenin aıtty.

– Úıdi qaıtyp turǵyzady, bolmasa ákimdik arqyly ekinshi naryqtan páterler alady. Biraq jóndeý jumystaryn ákimdik pen qurylys kompanıalary jasaıdy. Ákimdik sheshimi boıynsha tek birneshe óńirde qoldaryna qarajat beremiz. Bul tek jóndeý jumystaryna ǵana, - dedi vedomstvo basshysy.

Bul maqala týraly ne oılaısyz?