Birikken Ulttar Uıymynyń Halyq qory (UNFPA) 2024 jylǵy Dúnıejúzilik halyq jaǵdaıy týraly esebin «Toǵysqan ómirler, úmit aǵyndary: jynystyq jáne reprodýktıvti densaýlyqty jáne soǵan baılanysty teńsizdikterdi toqtatý» taqyrybymen jarıalady. Bul týraly alash.kz saıty Túrkıanyń TRT basylymyna silteme jasap habarlaǵan Azattyq Rýhyna silteme beredi.
Basylym málimetinshe, bıylǵy esepte búkil álemde jynystyq jáne reprodýktıvti densaýlyq salasyndaǵy teńsizdiktiń artyp otyrǵany atap ótildi.
Esepke qaraǵanda, Afrıkadaǵy áıelderdiń júktilik pen bosanýǵa baılanysty aýrýdan qaıtys bolý yqtımaly Eýropadaǵy nemese Soltústik Amerıkadaǵy áıelderge qaraǵanda 130 ese kóp.
Dúnıe júzindegi halyq sanynyń 8 mıllıard 119 mıllıonǵa jetkeni bildirilgen esepte Úndistan halqynyń 1 mıllıard 441 mıllıonǵa jetkeni atap ótildi.
Úndistannyń 1 mıllıard 425 mıllıon halqy bar Qytaıdy basyp ozyp, birinshi orynǵa kóterilýine áleýmettik-ekonomıkalyq jaǵdaıdyń jaqsarýy, ana óliminiń azaıýy yqpal etkeni aıtyldy.
BUU derekterine sáıkes, Qytaı halqynyń sany 2022 jyly 1,426 mıllıardqa jetkennen keıin azaıa bastady. Sarapshylardyń boljaýynsha, Qytaı halqynyń sany osy ǵasyrdyń sońyna qaraı 1 mıllıard az bolady.
