Sot-medısınalyq saraptamalar Qylmystyq is júrgizý zańyna sáıkes júrgiziletin bolady
Almaty qalasy polısıa departamenti terorıstik shabýylǵa qatysqandar kómilgen oryndaǵy máıitterdiń jeke basy anyqtalǵanyn habarlady. Bul týraly Alash.press basylymy Sputnik.kz saıtyna silteme jasap habarlaıdy.
"Olardyń jeke basy anyqtaldy. Sot-medısınalyq saraptamalar Qylmystyq is júrgizý zańyna sáıkes júrgiziletin bolady", - delingen habarlamada.
Esterińizge sala keteıik, Almaty polısıasynyń resmı ókili Saltanat Ázirbek bıyl 4-8 qańtarda qalaǵa terorıstik shabýyl jasaýǵa qatysqandardyń máıiti kómilgen orynnyń tabylǵany týraly aqparatty rastady.
Saltanat Ázirbektiń aıtýynsha, qazirgi ýaqytta osy baǵyttaǵy jumystar jaǵasyp jatyr.
"Iá, rastaımyz. Rasynda da máıitter tabyldy. Bul baǵyttaǵy jumystar jalǵasyp jatyr. Sondyqtan máıit sany qansha ekenin naqty bilmeımiz. Jedel tergeý toby jumystardy aıaqtaǵannan keıin tolyq aqparat usynylady", - dedi Saltanat Ázirbek Sputnik Qazaqstan tilshisine.
Onyń aıtýynsha, tergeý barysynda sodyrlardyń kim ekeni jáne olardyń qaı dinı aǵymdy ustanǵany anyqtalady.