Bul týraly Almaty ákiminiń orynbasary Arman Qyryqbaev málimdedi. Onyń aıtýynsha, bir aptaǵa jýyq ýaqytta megapolıske osynsha reseıliktiń kelýi úlken kórsetkish emes. Sondaı-aq ol memlekettik mekemeler, onyń ishinde kóshi-qon qyzmeti jaǵdaıdy baqylaýda ustap otyrǵanyn aıtty.
"26 qyrkúıekte JSN alýǵa 2070 sheteldik júginse, kelesi kúni 1700 adam boldy. Megapolıste sheteldikter sany artqan jaǵdaıda azamattarǵa kedergi keltirmeıtindeı qyzmet kórsetý úshin qosymsha oryn bólinedi. Júrgizilgen monıtorıń nátıjesinde qaladaǵy hostelder men jataqhanalarda 1000-nan asa bos tósek oryn bary anyqtaldy. Qajet bolǵan jaǵdaıda 2000-ǵa jýyq tósek oryndy ornalastyrýǵa bolady", — dedi Arman Qyryqbaev.
