Tiri bolsam, qazaqqa qyzmet etpeı qoımaımyn!

Álıhan Bókeıhan

Azamat Satybaldy, akter: Oń ózgerister kezeńinde turmyz

26 qyrkúıek 2022 52


Azamat Satybaldy, akter, Ǵ.Músirepov atyndaǵy Jastar men balalar teatrynyń dırektory



             Oń ózgerister kezeńinde turmyz


– Shynyn aıtý kerek, bıyl memleketimiz úshin úlken ózgerister kezeńi bolýdy. Saıası reformalar baǵytynyń nyǵaıǵanyn ańǵardyq. Sonyń biri ári eń bastysy – qarashada ótkeli turǵan kezekten tys prezıdent saılaýy. Memleket basshysy Qasym-Jomart Toqaev 1 qyrkúıektegi Joldaýynda kezekten tys prezıdent saılaýy ótetinin habarlaǵanda tańyrqaǵanymyz ras. «Nege, ne úshin?» degendeı saýaldar boldy. Alaıda munyń mańyzdy máni bar ekenin keıin uǵyndyq. Óıtkeni jan-jaǵymyz alasapyran, alys-jaqyn elderde nebir qaqtyǵystar bolýda. Taıaý arada toqtaǵannyń ózinde, zıany kópke uzaıdy. Sondyqtan elimiz aldyn ala qamdanyp, el basqaratyn kóshbasshysyn tańdap alyp, júıeli isterge kóshkeni jón. Iaǵnı, prezıdent saılaýynyń kezekten tys ótýi – zańdylyq.


Qandaı da oń ózgerister bolyp jatsa, onyń halyq úshin atqarylyp jatqanyn eskergen durys. «Bılik – halyqtyń aınasy» deımiz, el bıligi saıası reformalar arqyly ádildikti tý etip, qarqyndy jumys atqarsa, halyqtyń da bılikke degen senimi artyp, aýyzbirshiligi nyǵaıady. Saılaýdyń mańyzdy ekenin jurtshylyq biledi, halyq óz tańdaýyn jasaýǵa aıryqsha belsenip, mán beredi dep oılaımyn. Prezıdentti saılap alǵannan keıin memleketimiz úshin jańa kezeńniń paraǵy ashylatyny sózsiz. Qarqyndy damýdyń, saıası reformalarǵa negizdelgen oń ózgeristerdiń, qýantar jańalyqtardyń kóp bolatyny kúmánsiz.

Bul maqala týraly ne oılaısyz?