Memleket qazynasynyń basym kópshiligi bilimge jumsalady. Bul týraly sarapshylar baıandady, dep habarlaıdy Alash.kz Ulysmedia.kz. saıtyna silteme jasap.
Ekonomıkalyq zertteýler ınstıtýtynda Qazaqstannyń 2023 jylǵy memlekettik búdjetiniń shyǵystary 2022 jylmen salystyrǵanda 24% artyp, 28 trln teńgege jetkeni týraly habarlandy.
Shyǵyndar (qaıtarylmaıtyn negizde bólinetin búdjet qarajaty) 2023 jyly memlekettik búdjettiń barlyq shyǵystarynyń 95,7% quraıdy. Ol shyǵyndar 24,3% ósken.
– Shyǵyndar ishinde eń kóp úles bilimge – 21,7%, áleýmettik kómek pen áleýmettik qamsyzdandyrýǵa – 19,7%, eń az úles ónerkásipke, sáýlet, qala qurylysy jáne qurylys qyzmetine – 0,4%, otyn-energetıka keshenine jáne jer qoınaýyn paıdalanýǵa – 1,3% tıesili, - dep habarlady sarapshylar.
Búdjettik kredıtter (búdjetten qaıtarymdy, merzimdi jáne aqyly negizde bólinetin aqsha) 2023 jyly memlekettik búdjettiń barlyq shyǵystarynyń 2,5% quraıdy.
– Qarjy aktıvterin satyp alý (zańdy tulǵalardyń, onyń ishinde halyqaralyq uıymdardyń qatysý úlesteri men baǵaly qaǵazdaryn memlekettik menshikke satyp alýǵa baǵyttalatyn búdjet qarajaty) 2023 jyly memlekettik búdjettiń barlyq shyǵystarynyń 1,8% alady. Olar 2022 jylmen salystyrǵanda 1,7 esege artyp, 503,4 mlrd teńgege jetti, - delingen basylymda.
