Tiri bolsam, qazaqqa qyzmet etpeı qoımaımyn!

Álıhan Bókeıhan

Bıshimbaevtyń sotyna qatysýshylar týraly ne bilemiz?

05 sáýir 2024 672

Áıelin azaptap óltirdi degen Qýandyq Bıshimbaevtyń soty búkil eldiń nazarynda. Oǵan qatysýshy advokattar men prokýrorlar jaıly ne bilemiz? Buryn qandaı qyzmetter atqarǵan? Bul týraly BAQ.KZ jazdy. 

 

Qýandyq Bıshimbaevtyń advokattary kimder? 

Láılá Ramazanova

Ashyq derek kózderine súıensek, Láılá Ramazanova Ál-Farabı atyndaǵy Qazaq ulttyq ýnıversıtetiniń zań fakúltetin bitirgen. 2011 jyldan beri Almaty qalasy advokattar alqasynyń múshesi. Qylmystyq quqyq boıynsha halyqaralyq konferensıalarǵa qatysty. 2017 jyly ol tutqyndar úshin advokattarmen sóılesetin alańdy qurýdy jaqtap, azaptaýǵa ushyraǵandarǵa tólenetin ótemaqyny kóbeıtýdi talap etti.

Nazken Qusaıynova

2002 jyly Qusaıynova Almaty jýrnalısıka ınstıtýty dep atalyp kelgen Almaty halyqaralyq kásipter ınstıtýtyn támandaǵan. Oqýdy bitirgennen keıin KTK telearnasyna jumysqa ornalasyp, eki jyl jýrnalıs bolyp jumys istegen. Keıin taǵy eki jyl "Vremá pokajet" baǵdarlamasynyń dırektory bolǵan. Qusaıynova 2008 jyly 1 jeltoqsanda Almaty qalasynyń advokattar alqasynan lısenzıa alǵan.

Sýdıa Aıjan Qulbaeva týraly ne belgili?

Astana qalasynyń qylmystyq ister jónindegi mamandandyrylǵan aýdanaralyq sotynyń tóraǵasy Aıjan Qulbaeva 1975 jyly dúnıege kelgen. Qazaq jáne orys tilderin jetik meńgergen.

Bilimi:

Ahmet Iassaýı atyndaǵy halyqaralyq qazaq-túrik ýnıversıteti (1996)

Eńbek joly:

Ońtústik Qazaqstan oblysy "Daýyl" fırmasynyń zańgeri (1996-1997);

Ońtústik Qazaqstan oblysy İshki ister Bas departamentiniń tehnıkalyq qyzmet kórsetý bóliminiń qyzmet personaly jáne kúzet jónindegi polıseıi (1997-1998);

Ońtústik Qazaqstan oblysy Ádilet departamentiniń №3 Memlekettik notarıattyq keńsesi memlekettik notarıýsynyń kómekshisi (1998);

Ońtústik Qazaqstan oblysy Ádilet departamenti Sottardyń jumysyn uıymdastyrý bóliminiń jetekshi maman-keńesshisi, jetekshi mamany (1998-2001);

Sot ákimshiligi komıtetiniń Ońtústik Qazaqstan oblysy boıynsha Sottar ákimshisiniń bas mamany (2001-2003);

Qazaqstan Respýblıkasy Joǵarǵy Sotynyń janyndaǵy Astana qalasy boıynsha sottardyń qyzmetin uıymdastyrý bóliminiń bas mamany, meńgerýshisi (2003-2004);

Qostanaı oblysy Lısakov qalalyq sotynyń sýdıasy (2004-2010);

Qostanaı oblysynyń qylmystyq ister jónindegi mamandandyrylǵan aýdanaralyq sotynyń sýdıasy (2010-2014);

Astana qalasy Almaty aýdanynyń №2 aýdandyq sotynyń sýdıasy (2014-2018 j);

Nur-Sultan (esk – Astana) qalasy Baıqońyr aýdanynyń №2 sotynyń sýdıasy (06.2018-28.12.2022);

Astana qalasynyń qylmystyq ister jónindegi mamandandyrylǵan aýdanaralyq sotynyń tóraǵasy (28.12.2022 j.)

Laýazymdary:

Qazaqstan Respýblıkasy Joǵarǵy Sot Keńesiniń múshesi (30.12.2020-06.01.2022)

Memlekettik jáne halyqaralyq nagradalar, syılyqtar, qurmetti ataqtar:

2-dárejeli "Sot júıesiniń úzdigi" tósbelgisi;

Al Aıjan Aımaǵanova týraly buǵan deıin jazdyq. 

Bul maqala týraly ne oılaısyz?