Tiri bolsam, qazaqqa qyzmet etpeı qoımaımyn!

Álıhan Bókeıhan

14 jyl buryn jýrnalısi óltirgen adam anyqtaldy

04 naýryz 2022 86
 

Buǵan deıin qylmystyq top qurdy degen kúdikke ilingen qylmys serkesi Serik Jamanaev eki adamdy óltirgenin málimdedi.

Qylmystyq ortada «Serik Golova» laqap atymen tanymal qylmys serkesi 2007 jyly jýrnalıs Oralǵaısha Omarshanovany óltirgenin moıyndady.

Vremá basylymnyń habarlaýynsha, Serik Golova ulttyq qaýipsizdik komıteti júrgizgen jedel is-sharalar kezinde kinásin moıyndaǵan. Ony qaraqshynyń jubaıy men adovkaty bul qadamǵa ıtermelegen.

Jamanaev «Zań jáne ádilettilik» gazeti jýrnalısi Omarshanovanyń denesin qaıda jerlegenin kórsetip bergen. Sondaı-aq, ol taǵy bir básekelesin joldan alyp tastaǵanyn aıtqan.

Tergeý ızolátorynda otyrǵan kezde Serik Jamanaevqa sońǵy deńgeıdegi baýyr qaterli isigi dıagnozy qoıylyp, artynsha ol din jolyna túsken.

Serik Golova degen kim?


1996 jyly Serik Jamanaevtyń aty Sochıde qylmys áleminiń serkesi Sergeı Mıhaılovtyń (Mıhas) qoldaýymen shyǵa bastaǵan. Ol KSRO ydyraǵannan keıin óz atyn shyǵarǵan qaraqshylardyń birinshi tolqyny edi.

Eske salsaq, 2021 jyly 18 qańtarda Almaty soty ony «Bashka» atty uıymdasqan qylmystyq top qurǵany úshin 19 jylǵa sottalǵan.

Aıta ketsek, 2007 jyly 30 naýryzda Almatyda jýrnalıs Oralǵaısha Omarshanova iz-túzsiz joǵalyp ketken. Jýrnalıs sol kezderi Jezqazǵandyq bandıttik toptardy zertteýmen aınalysyp júrgen. Sońǵy ret ol belgisiz qara kólikke mingen kezde kózge túsken. Odan keıin jýrnalısen hat-habar bolmady.
Bul maqala týraly ne oılaısyz?