"Sandýǵash, janym!
Adam balasy tóze almaıtyn azappen azaptady. Sózben jetkize almaımyn. Toqqa da soqty, sýǵa tunshyqtyrdy. Odan aıaǵymyzdy asyp, aıaq, qabyrǵa, ishimiz, ókpe, búırek, bárin túsirdi.
Men tek senderdi oılap, áıteýir, eń bolmasa, senderge tımesın dep júrmin. Keshir meni, seniń aıaǵyń aýyr.
Kishkentaı Nuraıshamdy, janymdy, Sabıkoshym meniń, maǵan tartqan minezi de. Birjandy ulym, oqymaı qyldy. Qala berdim soqqynyń astynda.
Keshir meni, janym, men óz qara basymdy oılamadym.
Esińde bolsyn, bala-shaǵama aıt, úıret, men kináli emespin úkimet aldynda.
Men sharshadym qorlyqtan, sońǵy demim taýsylǵansha. Sen barsyń mende, maǵan senetin janym meniń, appaǵym, kúnim meniń, jalǵyzym meniń, betińnen súıdim qatty-qatty.
Shamań kelse, myna hatty oqyt baýyrlarǵa, Ashatqa aıt. Saǵan kómegin bersin bárine aıtyp, men surady dep. Bárimizdiń aqyretimiz bir. Birlik bar jerde, tirlik, beıbitshilik bar.
Obshestvennıkterge aıt, jýrnalısterge aıt, bárine aıt.
Men nege jazyp jatyrmyn? Eń bolmasa, sen, janym, bilsin dep. Maǵan qıyn árıne, jan-dúnıem jylady. Rasynda, buryn-sońdy bundaı kúnge túspep edim, bundaı qorlyqty kórmedim men. DVD-da qytty qorlady.
Toqqa soqty, sýǵa batyrdy, tunshyqtyryp, predsmertnyı qaǵaz jazǵyzdy, óz-ózime qol jumsadym shydaı almaı dep.
Maǵan óz-ózime óz qolymmen ólim jazasyn jazdyrdy. Ia asylyp ólem, ıa kesilip ólem - dep. Men taıaqtyń astynda jazdym.
Odan olar aıtqan maǵan, qolyma granata ustatyp, otpechatkamdy alyp, qazir úıińe aparyp tastaımyz, úıden taptyq dep. Sodan áıeliń men balashaǵańdy, aıaǵy aýyr áıelińdi qorlaımyz dep, bergen qaǵazdarǵa qol qoımasam dep. Oqytpady eshteńe, jan-jaqtan uryp.
Eki ókpemdi ketirdi, qazir qan toqtamaı jótelem, búıregim isip ketti. Bir apta qan toqtamamaı, zárimnen shyǵyp. Qabyrǵamdy maıystyrdy, bilgenderin istep. Uryp, Jasulandy óltirgen, birge túsken baýyrlardy. Qanatty da sóıtken DVD-da.
Obshestvennıkterge aıt, qyrsyn, jýrnalısterge aıt, bárine aıt. Jasulan da osylaı qorlyq kórdi, basyna qan quıylyp ketken soqqydan. Meni tanıtyn baýyrlarǵa aıt. Kómegin bersin saǵan.
Men eshkimge jala jappadym, aıt, olardyń ádeıi aıtqany ótirik.
Súıdim, janym.
Maǵan birdeńe bolsa, men óz-ózime qolymdy jumsamaımyn. Ózderi meni óltirgen bolady. Óz-ózime qol jumsaǵan úlken kúná, bilesiń ózińde. Qalımamdy (súre) aıtyp kete beremin.
Janym, Nuraısha, Sabıra qyzdarym, Birjan ulym, ananyń qursaǵyndaǵy ulym Muhammedrashıd, súıdim.
Ákeleriń Samat.
Gúlzıaǵa aıt, kótersin, olar jazalanbaı qalmasyn, solar terrorıstter, DVD-lar.
Súıdim, Salımahan, janym.
Svıdanıaǵa kel, kór meni.
Myna adresqa jazyńdar.
Gúlzıa, sen, bári, bul hatymdy saqta, kserokopıa jasap al”
