Tiri bolsam, qazaqqa qyzmet etpeı qoımaımyn!

Álıhan Bókeıhan

Qańtar oqıǵasynyń qurbandaryna arnalǵan "Tumandy qańtar" derekti fılmi jaryq kórdi

07 naýryz 2022 105
[ad_1]



Qańtar oqıǵasy týraly "Tumandy qańtar" dep atalatyn derekti fılm jaryq kórdi. Ótken aptanyń juma kúni Almatydaǵy Alataý teatrynda kópshilikke kórsetilgen fılm jobasyn "Assyltas" qoǵamdyq qory usynǵan, rejıseri – Danıar Salamat.

Fılm "Bala", "Áke", "Ana jáne otbasy" deıtin úsh bólimnen turady. Úsh bólimde úsh otbasynyń Qańtar oqıǵasynan keıingi qaıǵy-qasireti kórsetilgen.

"Bala" bólimi qańtar aıynyń basyndaǵy dúrbeleń kezinde oqqa ushqan 12 jasar Sultan Qylyshbekke, "Áke" bólimi Almaty qalasy Almaly aýdandyq polısıasynyń qyzmetkeri, oqıǵa kezinde qaza bolǵan Álen Asylhanovqa, "Ana jáne otbasy" bólimi Taldyqorǵanda otbasymen túgel oqqa ushqan Nurbolat Seıitqulov pen Altynaı Etaevaǵa jáne 15 jastaǵy qyzdary Nuraıǵa arnalǵan.

Fılmde úsh otbasynyń da ata-analary men et jaqyn týystary sóıleıdi.

- Bul fılm – rekvıem, joqtaý. Adamnyń ómiri esh baılyqpen ólshenbeıtinin, memlekettiń basty baılyǵy adam ekenin aıtqymyz keldi,- deıdi rejıser Danıar Salamat.

"Asyltas" qoǵamdyq qorynyń ókili Raýan Oqas "Qaza bolǵan polıseı de, qarapaıym adamdar da qańtar oqıǵasynyń qurbandary" dep sanaıdy.

12 jasar Sultan Qylyshbek Almatyda qańtardyń besine keshke qaraı anasymen birge dúkenge bara jatqan kezde oq tıip, qaza bolǵan edi.

Almaly aýdandyq polısıasynyń aǵa serjanty, 1993 jyly týǵan Álen Asylhanov ishki ister mınıstrligi taratqan málimetke qaraǵanda Almaly aýdandyq ishki ister bólimin qorǵaý kezinde qaza bolǵan.

Bir otbasy: Nurbolat Seıitqulov pen Altynaı Etaeva jáne 15 jastaǵy qyzdary Nuraı qańtardyń segizine Taldyqorǵan qalasynda keshki toǵyzdar shamasynda jeke kólikterimen ketip bara jatqanda arnaıy jasaqtyń oǵynan qaıtys bolǵan. Taldyqorǵandaǵy áskerı tergeý basqarmasy oq atqan áskerılerdiń isinde qylmystyq sıpat bar dep esepteıtinin, qylmystyq is qozǵalǵanyn habarlaǵan.

Qańtar oqıǵasy kezinde resmı málimet boıynsha Qazaqstanda barlyǵy 227 adam qaza bolǵan. Basym kópshiligi beıbit turǵyndar, arasynda polıseıler men áskerı qyzmetkerler de bar. Qazaqstan bıligi oqıǵa kezinde qaza bolǵan adamdar tizimin jarıalamaı otyr.



[ad_2]

Derekkóz
Bul maqala týraly ne oılaısyz?