ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

يلون ماسك اقش-تا Tik Tok-تىڭ بۇعاتتالۋىنا قارسى شىقتى

20 ءساۋىر 2024 329

امەريكاندىق ميللياردەر، X الەۋمەتتىك جەلىسىنىڭ يەسى ەلون ماسك اقش-تا ءسوز بوستاندىعى قاعيداتتارىنا جۇگىنە وتىرىپ قىتايلىق ByteDance كومپانياسىنا تيەسىلى TikTok الەۋمەتتىك جەلىسىنە تىيىم سالۋعا قارسى شىقتى، دەپ حابارلايدى Alash.KZ ۇلتتىق پورتالى.

"مەنىڭ ويىمشا، بۇل ح پلاتفورماسى ءۇشىن ءتيىمدى بولعانىمەن، اقش-تا TikTok-قا تىيىم سالۋدىڭ قاجەتى جوق. مۇنداي شارالار ءسوز بوستاندىعى پرينسيپتەرىنە قايشى كەلەدى. بۇل امەريكا جاقتايتىن نارسە ەمەس"، - دەپ جازدى ول ح الەۋمەتتىك جەلىسىندەگى پاراقشاسىندا.

ەستەرىڭىزگە سالا كەتەيڭىك، ناۋرىزدا اقش كونگرەسىنىڭ وكىلدەر پالاتاسى Tik Tok-قا تىيىم سالۋ تۋرالى زاڭ جوباسىن قولدادى. زاڭ شىعارۋشىلار ByteDance-كە الەۋمەتتىك جەلىنى ساتۋعا التى اي ۋاقىت بەرۋدى ۇسىنادى، ايتپەسە اقش-تا TikTok-قا تىيىم سالىنۋى مۇمكىن. كونگرەسس سونىمەن قاتار بولاشاقتا كەز كەلگەن "قارسىلاستار باقىلايتىن جانە باسقاراتىن قوسىمشالار" ءۇشىن وسىنداي شەكتەۋ شارالارىن ەنگىزۋ تۋرالى ۇسىنىس جاسادى.

بۇل ماقالا تۋرالى نە ويلايسىز؟