وقۋ-اعارتۋ ءمينيسترى عاني بەيسەمبايەۆ مەكتەپتەردە حيدجابقا تىيىم سالۋ ماسەلەسى جايلى سۇراققا تاعى جاۋاپ بەردى، دەپ حابارلايدى Alash.kz Ulysmedia.kz. سايتىنا سىلتەمە جاساپ.
عاني بەيسەمبايەۆ ءدىن ءبىلىم بەرۋ سالاسىنان بولەك تۇرۋى كەرەكتىگىن تاعى دا اتاپ ءوتتى.
– ءبىلىم بەرۋ ۇيىمدارىندا ارنايى ەرەجەلەر، زاڭ بار. ءبىز وسى ەرەجەلەردى ۇستانىپ، ولاردى ورىنداۋىمىز كەرەك. بارلىق ءبىلىم بەرۋ ۇيىمدارى وسى تالاپتاردى ورىندايدى، ولار مەكتەپ ەرەجەلەرىنە، جارعىعا دا ەنگىزىلگەن. جەكە ءبىلىم بەرۋ ۇيىمدارىنا كەلەتىن بولساق، مىسالى، [وقۋشىلاردىڭ حيدجاب كيۋى بويىنشا] ناقتى شاعىم كەلىپ تۇسكەن كەزدە ءبىز اتىراۋ وبلىسىنداعى وسىنداي مەكتەپتى جاپتىق. سوندىقتان بۇل جۇمىس جالعاسادى، - دەدى ول.
مينيستر مەكتەپ ءبىلىم مەن تاربيە بەرەتىن ورىن بولۋى كەرەك ەكەنىن اتاپ ءوتتى.
– ءبىز وسكەلەڭ ۇرپاقتان ەرتەڭ تابىستى تۇلعانى قالىپتاستىرۋعا كوبىرەك باعىتتاۋىمىز كەرەك. سوندىقتان ءبىز بۇل ساياساتتى ءارى قاراي جالعاستىرامىز. كاسىپكەرلىك كودەكسى بويىنشا بىزدە سيگنالسىز جەكە مەكتەپتەردى تەكسەرەتىن قۇزىرەت بولعان جوق، ءتىپتى بولعان كەزدە دە پروكۋراتۋرانىڭ رۇقساتىمەن تەكسەرىلەتىن. ءقازىر بۇل باعىتتا ۇلكەن وزگەرىستەر ءجۇرىپ جاتىر. ەندى ءبىز بارلىق ءبىلىم بەرۋ ۇيىمدارىنىڭ زاڭدىلىقتىڭ ورىندالۋىن تەكسەرۋمەن سايكەستەندىرۋ ءۇشىن كەز كەلگەن ءبىلىم بەرۋ ۇيىمدارىنا ەسكەرتۋسىز كىرۋگە مۇمكىندىك الامىز، – دەدى ول.
