كحدر 17 مامىردا جاڭا باعىتتاۋ جۇيەسىمەن جابدىقتالعان تاكتيكالىق بالليستيكالىق زىمىراندى سىناقتان وتكىزدى. بۇل تۋرالى كورەيانىڭ ورتالىق تەلەگراف اگەنتتىگى حابارلادى، دەپ مالىمدەيدى Alash.KZ ۇلتتىق پورتالى.
"كحدر باس زىمىران باسقارماسى 17 مامىردا اۆتونومدى باسقارۋدىڭ جاڭا ناۆيگاسيالىق جۇيەسىن قولدانا وتىرىپ، تاكتيكالىق بالليستيكالىق زىمىراندى سىناقتان وتكىزدى. سىناق اتالمىش جۇيەنىڭ دالدىگى مەن سەنىمدىلىگىن راستادى. ۇشىرۋ قارۋ-جاراق تەحنولوگيالارىن بەلسەندى دامىتۋعا باعىتتالعان كحدر زىمىران عىلىمىنىڭ باس باسقارماسى مەن ۆەدومستۆولىق باعىنىستى قورعانىس ءعزي-نىڭ تۇراقتى قىزمەتى شەڭبەرىندە جۇرگىزىلدى"،- دەلىنگەن حابارلامادا.
سىناقتارعا كحدر كوشباسشىسى كيم چەن ىننىڭ قاتىسقانى حابارلاندى.
بۇل ۇشىرىلىم سوڭعى ايلاردا قاناتتى زىمىرانداردى، تاكتيكالىق زىمىرانداردى جانە گيپەرسونيكالىق قارۋلاردى ۇشىرعان سولتۇستىك كورەيا سىناقتارىنىڭ ەڭ كۇردەلىسى سانالادى.
