ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«قالامىم تارتتى»: ۇلاربەك نۇرعالىم نەگە كەمەل توقايەۆ تۋرالى كىتاپ جازعان؟

18 مامىر 2024 248

جازۋشى ۇلاربەك نۇرعالىم مەملەكەت باسشىسى قاسىم-جومارت توقايەۆتىڭ اكەسى كەمەل توقايەۆ تۋرالى «تاعدىر مەن مايدان» اتتى كىتاپ جازعان. ول كىسىنىڭ ءومىرىن اۋىر تاعدىرمەن بايلانىستىرا وتىرىپ قالام تەربەگەن. كىتاپ 2018 جىلى باسىلىپ شىققان رومان.

كىتاپ جازۋ تۋرالى وي قالاي كەلدى؟ بۇل جۇرەك قالاۋى ما الدە تاپسىرىس پا؟ بۇل تۋرالى ول قاسقا جول يۋتۋب ارناسىنداعى سۇحباتىندا ايتتى، دەپ حابارلايدى Alash.KZ ۇلتتىق پورتالى Qazaq Today اقپارات اگەنتتىگىنە سىلتەم. 

نەگە كەمەل توقايەۆ؟

«مەن وزىمنەن تالداۋعا دەگەن قۇمارلىق بار ەكەنىن بايقايمىن. اكىم ءتارازيدىڭ شىعارمالارىن وقىپ ءجۇردىم. اينالامداعىلارعا ول اڭگىمەلەردى ايتسام، قىزىعادى. تاعى بىرەۋلەرگە تالداپ سولاردى ايتسام قىزىعاتىنىن بايقادىم. ءبارى جازساڭشى دەپ قولقا سالدى. وسىلايشا اكىم ءتارازيدىڭ شىعارماشىلىعى بويىنشا «بولمىس» دەگەن كىتاپ جازدىم. مەن ءوزىم ايتقانداي باسقا جاقتا ءتۋىپ-وستىم. وسى جاقتاعى اۋرانى سەزىنىپ، سوۆەت وكىمەتى دەگەن قانداي ەكەنىن بويىمنان وتكىزىپ سەزىنگەن ادام ەمەسپىن. ءبىراق، اكىم ءتارازيدىڭ شىعارماشىلىعىنان سول قوعامدى تۇتاس كوردىم، سەزىنە الدىم. ادەبيەت – تۇتاس ءداۋىردى ادامعا سەزىندىرەدى ەكەن. ول قانداي بايلىق، قازىنا جانە ءبىلىم!»، – دەيدى ول.

كەمەل توقايەۆتىڭ «سولدات سوعىسقا كەتتى» دەگەن رومانى، ءوز ءومىرى تۋرالى جازىلعان. ءبىرجاعىنان باسقا كەيىپكەر. ونىڭ ايتۋىنشا، اۆتوردىڭ ءومىرى مەن شىعارماسىنىڭ اراسىندا قانداي بايلانىس بار دەگەن وي قىزىقتىرعان. قاسىم-جومارت توقايەۆتىڭ «اكە تۋرالى تولعانىس» دەگەن كىتابى بار. سونى وقىعان كەزدە بايلانىستاردى كورە باستاعان. وسىلايشا، 2018 جىلى كىتاپ جازىلعان.

«دەتەكتيۆ دەگەن ءوزى قىزىق. ول كىسى شەرلوك حولمس سياقتى قازاقتىڭ زەرەك، زەردەلى كەيىپتەرىن سومداعىسى كەلگەن ەكەن. ءبىر كىسىنى مايلىبايەۆ دەپ قويادى.

ومىرىمەن تانىسقاندا، ماعان ول دا قاتتى اسەر ەتتى. نەدەگەن اۋىر تاعدىر! نەدەگەن جىگەر، قانداي بولمىس! قيىندىعىن ايتىپ ايانىش تۋدىرۋعا تىرىسپاعان. وسىنىڭ بارىنە قالامىم تارتتى.

ىشكى دۇنيەڭ تارتپاسا، تاپسىرىسقا جازۋ قيىن نارسە. ۇزاق تولعانىپ جازدىم دەپ ايتپايمىن. ءبىراق سول رومان ماعان قاتتى اسەر ەتتى»، – دەدى جازۋشى.

بۇل ماقالا تۋرالى نە ويلايسىز؟