ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"حالىق تاڭعالىپ جاتىر". جارياسىز حالقىنا جاردەمدەسىپ جۇرگەن تانىمال اكتەر كوپشىلىكتى ءتانتى ەتتى

13 ءساۋىر 2024 1311
كوپشىلىكپەن بىرگە تاسقىن سۋدىڭ بەتىن قايتارۋعا ات سالىسقان تانىمال اكتەر سانجار ءمادي كوپشىلىكتى ءتانتى ەتتى، دەپ حابارلايدى Alash.KZ ۇلتتىق پورتالى. 
 
تانىمال اكتەردىڭ حالىقتىڭ ءبىر جاعىنا شىعىسىپ جۇرگەنى جايلى جۋرناليست ازامات ءابىلقايىر جازدى:
سانجار ءمادي دەگەن اكتەر بار. سول قۇلسارىعا بارادى. بەت-اۋىزىن تۇمشالاپ، كۇنگە ارنالعان قارا كوزىلدىرىگىن تاعىپ، كەپكاسىن باستىرا كيىپ جاعالاۋدا قۇم تاسىپ جۇرگەن كوپتىڭ اراسىنا قويىپ كەتەدى. وسىلاي بولا بەرەر ەدى. ءبىراق وزىمەن بىرگە بارعان ايگىلى Nomad Stuntsء-تىڭ جىگىتتەرىنىڭ ءبىرى “سانجيك تە كەلدى. دا، دا كادىمگى سانجار مادي” دەپ تەلەفوننان ايتىپ قالادى. اكتەردىڭ اتىنا قانىق سول جەردەگى جاس ۆولونتەرلەردىڭ ءبىرى مۇنى ەستىپ قالىپ، كەيىن اكتەرمەن جاستار جاپپاي سۋرەتكە تۇسە باستايدى. بىر-ەكى كۇن بويى الەۋمەتتىك جەلىگە فوتو-ۆيدەو سالماي، ەلمەن بىرگە قۇم تولى قاپشىقتى تاسىپ، ءۇنسىز جۇرە بەرگەن سانجار سوسىن بارىپ جەلىگە شىعادى. وندا دا “رۋح”، “ءبىز بىرگەمىز”، “مەنىڭ قازاعىم” دەگەن ءان قويىلعان ۆيدەو ەمەس، توپىراق تاسىپ، قۇم ءۇيىپ جاتقان “پروستوي ستوريستەر”. كوپشىلىك اتىراۋ، قۇلاسارىعا جەكە موبيلوگرافتارىمەن كەلىپ جاتقان جۇلدىزدار سەكىلدى سانجار ءماديدى دە سولاي جۇرەدى دەپ ويلاسا كەرەك. اكتەردىڭ مۇنىسىنا تاڭقالىپ جاتىر، - دەپ جازدى اۆتور. 
بۇل ماقالا تۋرالى نە ويلايسىز؟