ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سۋ تاسقىنى: 60 مىڭنان استام اۋىل شارۋاشىلىعى جانۋارلارى ءقاۋىپسىز ايماقتارعا كوشىرىلدى

10 ءساۋىر 2024 141

اۋىل شارۋاشىلىعى مينيسترلىگى سۋ باسقان وڭىرلەرىندە قابىلدانىپ جاتقان ءىس-شارالار ناتيجەسىن حابارلادى، Alash.KZ دەپ جازدى ۇلتتىق پورتالى.   

ناتيجەسىندە 60،0 مىڭنان استام اۋىل شارۋاشىلىعى جانۋارلارى ءقاۋىپسىز ۋچاسكەلەرگە كوشىرىلدى. ونىڭ ىشىندە: اقمولا وبلىسى – 18،8 مىڭ باس، قوستاناي وبلىسى – 12،9 مىڭ باس، اقتوبە جانە اتىراۋ وبلىستارىندا – 10 مىڭ باستان كوپ، بقو – 4،5 مىڭ باس، قاراعاندى وبلىسى – 1،5 مىڭ باس.

سونىمەن قاتار، سۋ تاسقىنى سالدارىنان مال ءولىمى ورىن الدى، جەدەل دەرەكتەر بويىنشا رەسپۋبليكانىڭ جەتى وڭىرىندە سانى 5 711 باستى قۇرادى، ونىڭ ىشىندە ءىقم – 1 137، ۇساق مال – 4 051، جىلقى – 457 جانە باسقا دا اۋىل شارۋاشىلىعى جانۋارلارى.

العاشقى كۇندەردەن باستاپ، سۋ باسقان اۋماقتارداعى ەپيزووتيالىق جاعدايدىڭ ناشارلاۋىنا جول بەرمەۋ ماقساتىندا مينيسترلىكتىڭ رەسپۋبليكالىق ەپيزووتياعا قارسى وتريادى وبلىس اكىمدىكتەرىمەن بىرلەسىپ شىعىن بولعان جانۋارلار ولەكسەلەرىن جيناۋ جانە جويۋ جۇمىستارىن جۇرگىزۋدە. جالپى ءىس-شارالاردى جۇرگىزۋ ءۇشىن ءتيىستى 90 بىرلىك تەحنيكا، قىزمەتكەرلەر شتاتى جانە جويۋ شارالارى ءۇشىن قاجەتتى دەزينفەكسيالىق زاتتار بار.

بۇگىنگى تاڭدا 1013 باس، سونىڭ ىشىندە ءىقم -133، ۇم – 809 جانە جىلقى – 64 ورتەلىپ جويىلدى.

سونىمەن قاتار، اۋىل شارۋاشىلىعى جانۋارلارىنىڭ يەلەرىنە وتەماقى تولەۋگە قاتىستى الگوريتم ازىرلەنگەنى، حالىققا جانە زالال انىقتاۋ جونىندەگى كوميسسيانىڭ نازارىنا جەتكىزىلەتىنى ايتىلدى. 

بۇل ماقالا تۋرالى نە ويلايسىز؟