قانات بوزىمبايەۆ سۋ تاسقىنى كەزىندە دۇربەلەڭ تۋدىراتىن جالعان اقپارات تاراتقاندار قىلمىستىق جاۋاپكەرشىلىككە تارتىلاتىنىن ەسكە سالدى.
الەۋمەتتىك جەلىلەردە كوپتەگەن جالعان اقپاراتتار تاراتىلىپ، تابيعي اپاتپەن كۇرەسىپ جاتقان ادامداردىڭ جۇمىسىن قيىنداتىپ جاتىر.
ۆيسە-پرەمەر، سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنىنىڭ سالدارىن جويۋ جونىندەگى رەسپۋبليكالىق شتاب مەڭگەرۋشىسىنىڭ ورىنباسارى قانات بوزىمبايەۆ اتاپ وتكەندەي، مۇنداي جالعان اقپاراتتار قوعامدا، اسىرەسە زارداپ شەككەن وڭىرلەردە ءجيى دۇربەلەڭ تۋدىرادى.
«وسىنداي جالعان حابارلامالاردىڭ نەمەسە توتەنشە جاعدايمەن كۇرەس جونىندەگى شتابتاردىڭ جالعان اككاۋنتتارىنىڭ بارلىق اۆتورلارىنا بۇل اقپاراتتى جاريالاۋداعى جاۋاپكەرشىلىك تۋرالى ەسكەرتكىم كەلەدى. "ونلاين پلاتفورمالار جانە ونلاين جارناما تۋرالى" زاڭ بار، وعان سايكەس پايدالانۋشىلار ورنالاستىرىلعان جانە تاراتىلاتىن مازمۇننىڭ دۇرىستىعىن تەكسەرۋگە، جالعان اقپاراتتى تاراتپاۋعا، سونداي-اق مۇنداي اقپاراتتى جانە كەز كەلگەن زاڭسىز مازمۇندى جويۋعا مىندەتتى. ءتيىستى قۇرىلىمدار مۇنداي جالعان اقپاراتقا تالداۋ جۇرگىزەدى، قاجەتسىز دۇربەلەڭ تۋدىرىپ، وتانداستارىن الداعان كەز كەلگەن ازامات، ءوز ارەكەتتەرى ءۇشىن ناقتى اقى تولەيتىن بولادى»، — دەپ اتاپ ءوتتى قانات بوزىمبايەۆ.
مۇنداي فاكتىلەر ءۇشىن قولدانىستاعى زاڭنامادا قىلمىستىق جانە اكىمشىلىك جاۋاپكەرشىلىك قاراستىرىلعان.
