ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

West Oil Software جۇمىسشىلارىنىڭ ەرەۋىلدەرى زاڭسىز ەكەنى انىقتالدى

21 جەلتوقسان 2023 46
West Oil Software جەكە كومپانياسى قىزمەتكەرلەرىنىڭ قمگ كومپانياسىنىڭ جالاقىسىنىڭ ءبىرىڭعاي جۇيەسىنە كوشۋ تۋرالى تالابى تولىعىمەن زاڭسىز بولىپ تابىلادى.

جەكە مەنشىك كاسىپورىن يەسى جالاقى ماسەلەلەرىمەن اينالىسقاندىقتان دا “جەكە مەنشىك” دەگەن اتاۋعا يە. سوندىقتان مەملەكەت جەكە مەنشىك يەلەرىنىڭ ماسەلەلەرىن شەشۋگە مىندەتتى ەمەس. ەگەر ولار بۇل ماسەلەگە ارالاساتىن بولسا، ەرتەڭگى كۇنى پرەسەندەنت بولىپ شىعا كەلەدى. ال ول بولاشاقتا جۇزدەگەن باسقا كاسىپورىنداردىڭ وزدەرىنە ءتيىمدى، ءبىراق زاڭسىز ارەكەتتەرگە بارۋىنا سەبەپ بولادى.

قازىرگى ۋاقىتتا West Oil software مۇناي سەرۆيستىك كاسىپورىندارىنىڭ قىزمەتكەرلەرى جالاقىنى 700،000 تەڭگەدەن 1،500،000 تەڭگەگە دەيىن ارتتىرۋدى تالاپ ەتۋدە.

ەرەۋىلشىلەر زاڭدى بۇزۋدى تالاپ ەتىپ جاتىر. الايدا جەكە كومپانيادان مەملەكەتتىك كومپانياعا كوشۋ مۇمكىن ەمەس !

ەرەۋىلشىلەر وزدەرىن بارلىعىنان جوعارى سانايدى.

دارىگەرلەر، پەداگوگتار، كوممۋنالدىق كاسىپورىنداردىڭ قىزمەتكەرلەرى زاڭسىز ەرەۋىلدەرگە شىقپايدى، ءبىراق وزدەرىنىڭ كاسىبي مىندەتتەرىن ادال ورىندايدى. ەگەر مەملەكەت ءار جولى جاڭاوزەن مۇنايشىلارىنىڭ تالاپتارىنا كەلىسە بەرسە، وندا ءارتۇرلى مامان يەلەرى وزدەرىنىڭ تىكەلەي جۇمىس بەرۋشىلەرىن دە، مەملەكەتىن دە زاڭسىز بوپسالاي باستايدى.

ەلدەگى ورتاشا جالاقى 400 مىڭ تەڭگەدەن اسادى،مۇنايشىلاردىڭ جالاقىسى بۇل كورسەتكىشتەن 2-2، 5 ەسە كوپ. قازىرگى ۋاقىتتا ولاردىڭ جالاقىسىن 2 ميلليون تەڭگەگە دەيىن كوتەرۋ تۋرالى تالابى تەك ەكونوميكالىق جانە وندىرىستىك بوپسالاۋ عانا ەمەس، سونىمەن قاتار ولاردىڭ ارتىندا ءۇشىنشى كۇشتەردىڭ تۇرعانىن كورسەتۋ بولىپ تابىلادى.

ناتيجەسىندە ارانداتۋشىلاردىڭ جەكە پايداسىنا بايلانىستى قازاقستان مەن قازاقستاندىقتار السىرەيدى.

West Oil Software ءماجبۇرلى بانكروتتىققا ۇشىراۋى مۇمكىن، بۇل كەلىسىمشارتتاردىڭ جوعالۋىنا اكەلىپ سوعادى جانە بىرنەشە مىڭ ادامدى جۇمىسسىز قالدىرادى!

فوتو: gov.kz
بۇل ماقالا تۋرالى نە ويلايسىز؟