ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

پرەزيدەنت پەن ۇكىمەت باسشىسىنىڭ جۇمىسىنا 3 جىلدا قانشا اقشا بولىنەدى؟

22 جەلتوقسان 2023 42


مەملەكەت بيۋدجەتى الدىن الا ءۇش جىلعا جوسپارلاناتىنى بەلگىلى. اايدىڭ باسىندا پرەزيدەنت قاسىم-جومارت توقايەۆ 2024-2026 جىلدارعا ارنالعان رەسپۋبليكالىق بيۋدجەتتى بەكىتكەن. 2024-2026 جىلدارعا ارنالعان رەسپۋبليكالىق بيۋدجەتتە پرەزيدەنت پەن پرەمەر-مينيستردىڭ جۇمىسىنا قانشا قاراجات جۇمسالاتىنى كورسەتىلگەن. ۇلىس مەديا زەرتتەپ كورگەن. 



رەسپۋبليكالىق بيۋدجەتتىڭ مەملەكەتتىك سيپاتتاعى جالپى شىعىنىندا «مەملەكەت باسشىسىنىڭ جۇمىسىن قامتاماسىز ەتۋ» باعىتىندا 2024 جىلى 18،4 ملرد تەڭگە جۇمسالاتىنى كورسەتىلگەن. ال 2025 جىلى بۇل شىعىن 15،3 ملرد تەڭگەگە ازايادى. 2026 جىلى 15،3 ملرد تەڭگە دەڭگەيىندە قالادى. بۇل قاراجاتتىڭ ماقساتتى جۇمسالۋىنا پرەزيدەنت اكىمشىلىگى جاۋاپتى.




ال قازاقستان پرەمەر-مينيسترىنىڭ جۇمىسىن قامتاماسىز ەتۋ قىزمەتتەرىنە 2024 جىلى 4،3 ملرد تەڭگە بولىنەدى. ودان بولەك پرەمەر-مينيستر اپپاراتىنىڭ مەملەكەتتىك مەكەمەلەردى فەلدەگەرلىك بايلانىسپەن قامتاماسىز ەتۋ جونىندەگى قىزمەتتەرىنە 1،7 ملرد تەڭگە قاراستىرىلعان. 2025 جىلى بۇل شىعىندار تيىسىنشە 4،4 ملرد تەڭگە جانە 1،8 ملرد تەڭگەگە ۇلعايادى. 2026 جىلعى ۇكىمەتتىڭ بۇل باعىتتاعى شىعىنى 2025 جىلعى دەڭگەيدە قالادى.

2024-2026 جىلعى رەسپۋبليكالىق بيۋدجەت تۋرالى زاڭنىڭ ءتۇسىم، ياعني تابىس بولىگى 20،1 ترلن تەڭگەنى قۇرايدى. بيۋدجەتكە نەگىزگى تابىس سالىق تۇسىمىنەن كەلەدى (15،7 ترلن تەڭگە). تابىستىڭ نەگىزگى كوزى – تابىس سالىعى، كورپوراتيۆتى تابىس سالىعى، تاۋار، جۇمىس، قىزمەت ءۇشىن سالىناتىن ىشكى سالىقتار، قوسىمشا قۇن سالىعى، اكسيزدەر جانە تاعى سول سياقتى سالىق تۇرلەرى.

2024 جىلى بيۋدجەتتىڭ شىعىنى تۇسىمىنەن كوپ – 23،3 ترلن تەڭگەنى قۇرايدى. ياعني، بيۋدجەت دەفيسيتى 3 ترلن تەڭگەدەن اسادى.

بۇل ماقالا تۋرالى نە ويلايسىز؟