ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋتيليزاسيا الىمى تومەندەي مە؟ - بەكتەنوۆ سوڭعى ءسوزىن ايتتى

23 مامىر 2024 191

پرەمەر-مينيستر ولجاس بەكتەنوۆ ۋتيليزاسيالىق الىم باعاسى تومەندەمەيتىنىن ايتتى، دەپ حابارلايدى Alash.kz Ulysmedia.kz سايتىنا سىلتەمە جاساپ.

سەنات دەپۋتاتتارى شەتەلدەن اكەلىنگەن كولىكتەردى باستاپقى تىركەۋ جانە كادەگە جاراتۋ تولەمىنىڭ (ۋتيليزاسيالىق الىم) مولشەرلەمەسىن تومەندەتۋ ماسەلەسىن كوتەرگەن ەدى.

ولاردىڭ ايتۋىنشا، كادەگە جاراتۋ تولەمىنىڭ مولشەرىن 150 مىڭ تەڭگەگە دەيىن تومەندەتىپ، 5 جىلدان اسپايتىن اۆتوموبيلدەر ءۇشىن 0،25 ايلىق ەسەپتىك كورسەتكىشىنە دەيىن ەڭ تومەنگى باستاپقى تىركەۋ قۇنىن ەنگىزگەن دۇرىس بولادى.

دەپۋتاتتارعا بەرگەن جاۋابىندا ۇكىمەت باسشىسى ولجاس بەكتەنوۆ 2022 جىلى كادەگە جاراتۋ الىمى 50% تومەندەتىپ، اكەلىنگەن كولىك قۇرالدارىن زاڭداستىرعاننان كەيىن ەسكى ماشينالار كوبەيىپ كەتكەنىن حابارلايدى. 2016-2023 جىلدار ارالىعىندا قازاقستاندا 817 مىڭ جاڭا جەڭىل كولىك قۇرالى، سونداي-اق پايدالانۋدا بولعان 386 مىڭ اۆتوموبيل، ونىڭ 300 مىڭ بىرلىگى زاڭداستىرۋ شەڭبەرىندە (زاڭداستىرۋدى ەسەپكە الماعاندا – 86 مىڭ بىرلىك) باستاپقى تىركەۋدەن وتكەن.

ۇكىمەت باسشىسىنىڭ مالىمەتىنشە، كادەگە جاراتۋ الىمىنان تۇسكەن 180 ملرد تەڭگە اقشا جەڭىل نەسيە بەرۋ جانە ليزينگ ارقىلى اۆتوماشينالاردى، اۋىل شارۋاشىلىعى تەحنيكاسى مەن اۆتوبۋستاردى جاڭارتۋعا بولىنگەن. بۇدان باسقا، ەكولوگيا جانە تابيعي رەسۋرستار مينيسترلىگى كادەگە جاراتۋ الىمى ەسەبىنەن 2024-2026 جىلدارى ەكولوگيالىق ءىس-شارالارعا 200 ملرد تەڭگە باعىتتاماق.

«اۆتوموبيل جاساۋ سەكتورى اناعۇرلىم ماڭىزدى ءوسۋ سەرپىنىن كورسەتىپ وتىر. بۇكىل ءوندىرىستىڭ 44،3 % يە. بىلتىر رەكوردتىق ناتيجەمەن 149 مىڭ اۆتوموبيل شىعارىلدى. بۇل اۆتوموبيلدەردىڭ قۇنىنا كادەگە جاراتۋ تولەمى كىرمەيدى، ال باستاپقى تىركەۋ الىمى نەبارى 923 (ملن؟)تەڭگەنى قۇرايدى»، - دەلىنگەن جاۋاپتا.

بەكتەنوۆتىڭ پىكىرىنشە، بۇل شارا وندىرۋشىلەردەگى تەحنولوگيالىق وپەراسيالاردىڭ تەرەڭدەۋىنە اسەر ەتەدى، سونىمەن قاتار كومپونەنتتىك بازانىڭ دامۋىن ىنتالاندىرادى.

«جوعارىدا اتالعان فاكتورلاردى ەسكەرە وتىرىپ، سونداي-اق ينۆەستيسيالىق احۋالدى جاقسارتۋ جانە اۆتوپاركتى جاڭارتۋدى ىنتالاندىرۋ ماقساتىندا كادەگە جاراتۋ تولەمىنىڭ مولشەرىن ازايتۋدى جانە ەڭ تومەن باستاپقى تىركەۋ قۇنىن ەنگىزۋدى ورىنسىز دەپ سانايمىز»، - دەيدى بەكتەنوۆ.

 

بۇل ماقالا تۋرالى نە ويلايسىز؟