ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

200 مىڭ دوللار. شىمكەنت قالاسى اكىمىنىڭ بۇرىنعى ءبىرىنشى ورىنباسارى ماقسۇت يساحوۆ 8 جىلعا سوتتالدى

20 مامىر 2024 290

شىمكەنت قالاسى اكىمىنىڭ بۇرىنعى ءبىرىنشى ورىنباسارى ماقسۇت يساحوۆقا سوت ۇكىمى شىقتى، دەپ حابارلايدى Alash.kz سايتى.

ول ۇلتتىق قاۋىپسىزدىك كوميتەتى باسشىنىڭ ورىنباسارىنا 200 مىڭ دوللار پارا بەرمەك بولدى دەگەن ايىپپەن ۇستالدى. سودان بەرى تەرگەۋ يزولياتورىندا جاتقان بۇرىنعى شەنەۋنىك سوت بارىسىندا وزىنە جالا جابىلعانىن مالىمدەگەن ەدى. ونىڭ ايتۋىنشا، كەرىسىنشە ۇلتتىق قاۋىپسىزدىك كوميتەتىنىڭ شىمكەنت قالاسى بويىنشا دەپارتامەنت باسشىسىنىڭ ورىنباسارى يساحوۆتان اقشا بوپسالاعان.

داۋدىڭ ءبارى قالاداعى جىلۋ قۇبىرىن جوندەۋ ءۇشىن وتكىزىلگەن تەندەردەن باستالعان. مەملەكەتتىك ساتىپ الۋدا جەڭگەن كومانيا ماقسۇت يساحوۆتىڭ ۇستىنەن ۇلتتىق قاۋىپسىزدىك كوميتەتىنە شاعىم تۇسىرگەن دەپ جازدى inbusiness.kz.

جارىسسوزدە يساحوۆ ءوزىن اقتاپ شىعارۋىن سۇراعان ەدى. ال پروكۋرور پارا بەرمەك بولدى دەپ ايىپتالعان شەنەۋنىككە 8 جىل 5 اي مەرزىمدە باس بوستاندىعىنان ايىرۋدى سۇراعان. سوت وعان ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرا وتىرىپ، 8 جىل 5 ايعا باس بوستاندىعىنان ايىرۋ جازاسىن تاعايىندادى. 

بۇل ماقالا تۋرالى نە ويلايسىز؟