ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

109 ءمۇعالىم ءبىر اجەتحاناعا، ديرەكتور بولەك اجەتحاناعا: اۋىل مۇعالىمدەرى ۋاجدەرىن ايتتى

21 مامىر 2024 307

توڭكەرىس اۋىلىنداعى مۇعالىمدەر ديرەكتورلارىنا ۋەج ايتتى، دەپ حابارلايدى Alash.kz.

وقيعانىڭ ءمان-جايىن جۋرناليست ساندۋعاش دۇيسەنوۆا باياندادى.

«ەكى قىزمەتتىك دارەتحانا بار. ءبىرىنشى دارەتحانا اشىق. ەكىنشى قىزمەتتىك دارەتحانا جۇمىس ىستەيدى، ءبىراق، جابىق تۇر. بۇل دارەتحانا ءبىزدىڭ مەكتەبىمىزدىڭ ديرەكتورى ءۇشىن عانا ارنالعان. سەبەبى كىلتى وزىندە عانا. جالعىز ءوزى عانا قولدانادى. قالعان 109 ءمۇعالىم وسى ءبىر عانا دارەتحاناعا كەزەككە تۇرادى».

ءجۋرناليستىڭ بۇل جازباسىنىڭ استىنا تالعار اۋدانىنىڭ ءبىلىم باسقارماسى پىكىر قالدىرعان. باسقارمانىڭ مالىمەتىندە، مەكتەپتىڭ ىشىندە 10 دارەتحانا بار.

توڭكەرىس اۋىلىنداعى №23 بۇل ورتا مەكتەپتىڭ عيماراتى وتكەن عاسىردا، ياعني، 1977 جىلى سالىنعانى بەلگىلى بولىپ وتىر.  2020 جىلى كۇردەلى جوندەۋدەن وتكەن.  

«بۇگىندە مەكتەپتە 1213 وقۋشى ءبىلىم الىپ، 109 ءمۇعالىم جۇمىس ىستەيدى. مەكتەپ عيماراتى 3 قاباتتى، 10 دارەتحانادان تۇرادى. ءار قاباتتا مۇعالىمدەر مەن وقۋشىلارعا ارنالعان دارەتحانالار بار. دارەتحانالار سانيتارلىق تالاپتارعا ساي، كۇنىنە بىرنەشە رەت دەزينفەكسيالانادى، تازا، ءيىسى جوق. ءبىرىنشى قاباتتا 5 دارەتحانا بار؛ 2 قىزمەتتىك دارەتحانا، 1 دارەتحانا مۇمكىندىگى شەكتەۋلى جاندارعا ارنالعان، 1 دارەتحانا قىزدارعا، 1 دارەتحانا ۇلدارعا ارنالعان. قىزمەت كورسەتەتىن دارەتحانالاردىڭ ءبىرى 2020 جىلدان بەرى ۇزاق ۋاقىت بويى قۇلىپتاۋلى، كىلتى قابىلداۋ بولمەسىندە ءىلۋلى تۇرعان. قازىرگى ۋاقىتتا دارەتحانانىڭ ەسىگى اشىق، مەكتەپتىڭ بارلىق قىزمەتكەرلەرى قولدانادى. مەكتەپتە دارەتحانا سانى جەتكىلىكتى، كەزەككە تۇرۋ ورىن الماعان»، - دەپ جازدى ءبىلىم باسقارماسى.

 

 
بۇل ماقالا تۋرالى نە ويلايسىز؟