ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءماسىموۆتىڭ تاعى ءبىر ەكس-ورىنباسارى تۇتقىندالدى

07 اقپان 2022 69
قازاقستان ۇلتتىق قاۋىپسىزدىك كوميتەتى (ۇقك) ءتوراعاسىنىڭ بۇرىنعى ورىنباسارى داۋلەت ەرعوجين سوت شەشىمىمەن قاماۋعا الىندى. مۇنداي اقپاراتتى دۇيسەنبى، 7 اقپاندا جەرگىلىكتى اقپارات قۇرالدارى تاراتتى.

"سوت ك. ءماسىموۆ، ا. سادىقۇلوۆ پەن د.ەرعوجيندى تۇتقىنداۋعا سانكسيا بەرگەنىن حابارلايمىز. قىلمىستىق ءىس "قۇپيا" سانالادى" دەگەن ۇقك ءسوزىن كەلتىرگەن جەرگىلىكتى ب ا ق.

داۋلەت ەرعوجين 2016 جىلعى قاراشادان بيىلعى قاڭتارعا دەيىن ۇقك ءتوراعاسىنىڭ ورىنباسارى بولعان. وعان دەيىن قاۋىپسىزدىك يا قۇقىق قورعاۋ سالاسىندا ەرعوجيننىڭ ەشقانداي جۇمىس تاجىريبەسى بولماعان. ول بۇل قىزمەتكە كارىم ءماسىموۆ ۇقك ءتوراعالىعىنا تاعايىندالعان سوڭ ەكى ايدان كەيىن كەلگەن.

5 قاڭتاردا قازاقستاننىڭ شىعىسى مەن وڭتۇستىگىندەگى نارازىلىقتارعا بەيمالىم توپتار ارالاسىپ، ارتى قانتوگىسكە ۇلاستى. سول كەزدە توقايەۆ نازاربايەۆتىڭ كوپ جىلعى سەنىمدى سەرىگى، ۇقك ءتوراعاسى كارىم ءماسىموۆتى ورنىنان الدى، ىلە-شالا ول تۇتقىندالعان.

ونىڭ ءۇش ورىنباسارى مارات ءوسىپوۆ، داۋلەت ەرعوجين مەن ءانۋار سادىقۇلوۆ 9 قاڭتاردا قىزمەتتەن بوساتىلعانى تۋرالى اقپارات تاراعان.
بۇل ماقالا تۋرالى نە ويلايسىز؟