ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۇلتتىق ۋنيۆەرسيتەتتەگى حالىقارالىق ماڭىزدى شارا

05 قازان 2022 50
2022 جىلدىڭ 5 قازان كۇنى ءال-فارابي اتىنداعى قازۇۋ حالىقارالىق قاتىناستار فاكۋلتەتىندە قازاقستان رەسپۋبليكاسى سىرتقى ىستەر مينيسترلىگىنىڭ الماتىداعى وكىلدىگىنىڭ قولداۋىمەن «قازىرگى حالىقارالىق قاتىناستارداعى اوسشك ءرولى» اتتى دوڭگەلەك ۇستەل ءوتتى.  اۋقىمدى ءىس-شارا  ازياداعى ءوزارا ىقپالداستىق جانە سەنىم شارالارى جونىندەگى كەڭەس (اوسشك) ۇيىمىنىڭ قۇرىلعاندىعىنا 30 جىل مەرەيتويى اياسىندا جۇرگىزىلدى.



ەستەرىڭىزگە سالا كەتسەك، ازيا قۇرلىعىندا سەنىم تەتىكتەرىن قۇرۋ يدەياسى العاش رەت 1992 جىلى ايتىلعان بولاتىن، سودان بەرى اوسشك ازيا قاۋىپسىزدىگىنىڭ ارحيتەكتۋراسىن نىعايتۋعا ەلەۋلى ۇلەس قوستى. اوسشك قالىپتاسۋى مەن دامۋىنا كورنەكتى وتاندىق ديپلوماتتار ۇلكەن ۇلەس قوستى. بۇگىنگى تاڭدا قازاقستاننىڭ اوسشك-كە ءتوراعالىق ەتۋى اياسىندا كەڭەستى وڭىرلىك ۇيىمعا ترانسفورماسيالاۋ ماڭىزدى ماسەلە بولىپ قالا بەرەدى جانە اوسشك قىزمەتىن ساراپتامالىق سۇيەمەلدەۋ، اوسشك تالدامالىق ورتالىقتارىنىڭ الەۋەتىن ولاردى تۇراقتى جۇمىس ىستەيتىن ديالوگتىق پلاتفورماعا تۇرلەندىرۋ ارقىلى كۇشەيتۋ قاتىسۋشى ەلدەردىڭ ءوزارا ءىس-قيمىلىنىڭ وزەكتى باعىتى بولىپ سانالادى.



دوڭگەلەك ۇستەلگە قاتىسۋشىلار اوسشك اياسىندا قاۋىپسىزدىك تەتىكتەرىنىڭ، ساۋدا جانە سانكسيالىق سوعىستاردىڭ ەروزياسى جاعدايىندا ازيا كونتينەنتىندەگى سەنىم شارالارى جۇيەسىن دامىتۋدىڭ پروبلەمالارى مەن پەرسپەكتيۆالارى، داۋلى ماسەلەلەر بويىنشا سىندارلى كەلىسسوزدەردى قامتاماسىز ەتۋ جانە ولاردىڭ پايدا بولۋىنىڭ باستاپقى كەزەڭىندە قايشىلىقتاردى شەشۋ، تەرروريزمگە قارسى ءىس-قيمىلدىڭ بىرلەسكەن جۇيەلى تاسىلدەرىن جانە اوسشك ەلدەرىنىڭ اۋماعىندا قاتەرلەردىڭ الدىن الۋ تەتىكتەرىن ازىرلەۋ قاجەتتىلىگى، كەڭەسكە قاتىسۋشى مەملەكەتتەردىڭ ەكونوميكالىق وسۋىنە سەرپىن بەرۋ ءۇشىن قوسىمشا ىنتالاندىرۋلار ازىرلەۋ مۇمكىندىكتەرى، جاڭا قاتەرلەر مەن تاۋەكەلدەر مانماتىنىندە حالىقارالىق قۇقىقتى جەتىلدىرۋ ماسەلەلەرى تاقىرىپتارىن ويتالقىعا سالدى.

دوڭگەلەك ۇستەلدىڭ اشىلۋ راسىمىندە بۇۇ جاھاندىق كوممۋنيكاسيالار دەپارتامەنتىنىڭ وكىلى ۆلاستيميل سامەك، جۇڭگو حالىق رەسپۋبليكاسىنىڭ الماتى قالاسىنداعى باس كونسۋلى سزيان ۆەي، يران يسلام رەسپۋبليكاسىنىڭ الماتى قالاسىنداعى باس كونسۋلى موحسەن فاگاني، وزبەكستان رەسپبۋليكاسىنىڭ الماتى قالاسىنداعى باس كونسۋلى فاتحۋللايەۆ ابرور دجاحانگيروۆيچ قۇتتىقتاۋ سوزدەرىن جەتكىزىپ، مەملەكەتارالىق، ايماقتىق، حالىقارالىق، الەمدىك ماسەلەلەردى بەيبىت تۇردە شەشۋ ءۇشىن وسىنداي ديالوگتىق پلاتفورمالاردىڭ قاجەتتىلىگى مەن ماڭىزىن اتاپ ءوتتى.

تۇركيا رەسپۋبليكاسىنىڭ الماتى قالاسىنداعى ۆيسە-كونسۋلى شەرمين تەكين، ءۇندىستاننىڭ الماتى قالاسىنداعى باس كونسۋلدىعىنىڭ كونسۋلى اميت كۋمار شارما، تاجىكستان رەسپۋبليكاسىنىڭ الماتى قالاسىنداعى باس كونسۋلى راۆشان بوبوحونزودا، قىرعىزستاننىڭ الماتى قالاسىنداعى باس كونسۋلدىعىنىڭ كونسۋلى اسانبەكوۆ جۋماش ومۋرزاكوۆيچ دوڭگەلەك ۇستەلدىڭ قۇرمەتتى قوناعى رەتىندە قاتىسىپ، ءىس-شارا بارىسىنداعى ويتالقى ۇدەرىسىنە بەلسەندى تۇردە قاتىسىپ، پىكىر ءبولىستى.

سونىمەن قاتار، اۋقىمدى ءىس-شارا ازيا مەملەكەتتەرىن تانۋشى تانىمال ساراپشىلار مەن اكادەميالىق قوعام وكىلدەرىنىڭ باس قوسۋ ورنىنا اينالدى. سولاردىڭ ىشىندە سۋلتانوۆ بولات قىلىشباي ۇلى، بايزاقوۆا قۇرالاي ەرتىس قىزى، گۋبايدۋللينا مارا شاۋكاتوۆنا، اۋەلبايەۆ بولات ءالىمحان ۇلى، اۋعان مالىك ءالشىوراز ۇلى، كۋرمانگۋجين رۇستەم ءسالىم ۇلى، باتالوۆا اقمارال ۆالەريانوۆنا، ارتىقبەكوۆا مۋنيرا ابدىكايۋموۆنا ءوز باياندامالارىن جاسادى. ءىس-شارا قورىتىندىسىندى بويىنشا رەزيۋليۋسيا قابىلداندى.

 

 
بۇل ماقالا تۋرالى نە ويلايسىز؟