ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قازاقستان ازاماتتىق اليانسى" تاڭداۋىن جاسادى

05 قازان 2022 53
قازاقستان ازاماتتىق اليانسى ق ر پرەزيدەنتى لاۋازىمىنا قاسىم-جومارت توقايەۆتىڭ كانديداتۋراسىن ۇسىنۋدى قولدايتىنىن مالىمدەدى.

2022 جىلى 5 قازاندا ساعات 10:30-دا وفلاين/ونلاين فورماتتا قازاقستاننىڭ ازاماتتىق اليانسى مۇشەلەرىنىڭ جوعارى باسقارۋ ورگانى رەتىندەگى تابىلاتىن كونفەرەنسياسى ءوتتى. ونلاين فورماتتا ەلىمىزدىڭ جيىرما ءوڭىرىنىڭ ازاماتتىق اليانسىنىڭ كوشباسشىلارى قاتىستى.



ازاماتتىق اليانستىڭ پرەزيدەنتى، كونفەرەنسيا ءتوراعاسى بانۋ نۇرعازييەۆا جينالىسقا قاتىسۋشىلاردىڭ الدىندا ءسوز سويلەدى.

«ەل پرەزيدەنتى ق. ك. توقايەۆ ءوزىنىڭ "جاڭا قازاقستان: جاڭارۋ جانە جاڭعىرتۋ جولى" جولداۋىندا قوعامدىق ۇيىمداردىڭ قىزمەتىن ەلدىڭ ورنىقتى جانە جان-جاقتى ىلگەرىلەۋىنىڭ ماڭىزدى فاكتورى دەپ اتادى جانە قوعامدىق ۇيىمدار مەن بەلسەندىلەردى رەفورمالاردى دايىنداۋ مەن ىسكە اسىرۋعا كەڭىنەن جانە تەرەڭىرەك تارتۋعا شاقىردى»، - دەدى اليانس باسشىسى.

بانۋ نۇرعازييەۆا الەمدەگى كۇردەلى گەوساياسي جاعدايعا قاراماستان، قازاقستاندا ساياسي جاڭعىرۋ، ەكونوميكانى قايتا قۇرىلىمداۋ، الەۋمەتتىك سالانى دامىتۋ جوعارى قارقىنمەن ءجۇرىپ جاتقانىن اتاپ ءوتتى.

ەلدىڭ الەۋمەتتىك-ەكونوميكالىق جانە قوعامدىق-ساياسي ءومىرىنىڭ بارلىق سالالارىندا ەلەۋلى وزگەرىستەر بولىپ جاتىر.

«پرەزيدەنت العاشقى كۇندەرىنەن باستاپ سىندارلى ديالوگقا، بيلىك پەن حالىق اراسىندا ءتيىمدى كەرى بايلانىس ورناتۋعا باعىتتالعان "حالىق ۇنىنە قۇلاق اساتىن مەملەكەت" تۇجىرىمداماسىن ۇسىنا وتىرىپ، مەملەكەت پەن قوعامنىڭ ءوزارا ءىس-قيمىلىنىڭ جاڭا فورماتىن بەلگىلەدى. حالىق وزگەرىستەرگە جانە ەل پرەزيدەنتىنە سەنىمىن بىلدىرەدى»، - دەپ اتاپ ءوتتى ول.

وڭىرلىك اليانستاردىڭ كوشباسشىلارى ءوز سوزدەرىندە ەل پرەزيدەنتى ۇسىنعان بارلىق باستامالار مەن رەفورمالاردى قازاقستان ازاماتتارى تالاپ ەتەتىنىن، ويتكەنى ولار حالىقتىڭ، قاراپايىم ادامداردىڭ مۇددەلەرىنەن تۋىندايتىنىن ايتتى.

قازاقستان ازاماتتىق اليانسى كونفەرەنسياسىنىڭ مۇشەلەرى ءبىراۋىزدان قازاقستان رەسپۋبليكاسىنىڭ پرەزيدەنتى لاۋازىمىنا مەملەكەت باسشىسى قاسىم-جومارت كەمەل ۇلى توقايەۆتىڭ كانديداتۋراسىن ۇسىنۋدى قولدايتىنىن مالىمدەدى.

 

 
بۇل ماقالا تۋرالى نە ويلايسىز؟