ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋكراينادان 2 ميلليون ادام بوسىپ كەتتى

09 ناۋرىز 2022 118
رەسەي قارۋلى كۇشتەرى ۋكرايناعا باسىپ كىرگەلى بەرى ەلدەن ەكى ميلليون ادام بوسىپ كەتتى، دەپ حابارلادى 8 ناۋرىزدا بۇۇ-نىڭ بوسقىندار ءىسى جونىندەگى جوعارعى كوميسسارى فيليپپو گراندي. بۇۇ مالىمەتىنشە، ەۋروپادا ەكىنشى دۇنيەجۇزىلىك سوعىستان بەرى مۇنداي داعدارىس بولماعان. بۇل تۋرالى Alash.kz باسىلىمى ازاتتىققا سىلتەمە جاساپ حابارلايدى.



ۋكرايناداعى سوعىستىڭ باستالعانىنا ەكى اپتا وتكەن جوق. سوعان قاراماستان 900 مىڭعا جۋىق ۋكرايندىق باس ساۋعالاپ پولشاعا وتسە، 150 مىڭى ۆەنگريانى پانالاعان. ەۋرووداق ءوز اۋماعىندا 6،5 ميلليون بوسقىندى قابىلداۋعا دايىن.

ءبىر تاۋلىكتىڭ ىشىندە ۋكراين شەكاراسىنان باتىسقا قاراي 132 مىڭ ادام ءوتتى، دەپ حابارلادى مەملەكەتتىك شەكارا قىزمەتى.

"بىزگە اتىستىڭ تىيىلعانى كەرەك، ءبىتىم كەرەك، سول كەزدە ادامدار ەلدەن قاشپايدى، ۇيلەرىنە قايتا ورالادى. ءبىراق ولار ءقازىر ابدەن شوشىپ قالعان" دەدى گراندي "ءال-جازيرا" تەلەارناسىنا.

ازاتتىق راديوسى كوشى-قون داعدارى كەزىندە "گۋمانيتارلىق ءدالىز" پودكاستىنىسكە قوستى. وندا ۋكراينالىق بوسقىندار باستان وتكەرگەن وقيعالارىن باياندايدى.


بۇل ماقالا تۋرالى نە ويلايسىز؟