ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋكرايناداعى سوعىستا 100-دەن استام بەيبىت ادام قازا بولدى، اراسىندا جەتى بالا بار

28 اقپان 2022 74
[ad_1]



دۇيسەنبىدە بۇۇ-نىڭ ادام قۇقىقتارى جونىندەگى جوعارعى كوميسسارى ميشەل باچەلەت رەسەي ۋكرايناعا باسىپ كىرگەن بەس كۇن ىشىندە كەمى 102 بەيبىت ادام قازا بولعانىن، ونىڭ جەتەۋى بالا ەكەنىن مالىمدەدى جانە ولگەن ادامدار سانى مۇنان دا كوپ بولۋى مۇمكىن ەكەنىن ەسكەرتتى.

"بەيبىت ادامداردىڭ كوبى اۋىر ارتيللەريا مەن رەاكتيۆتى اتىس قارۋلارى وعىنىڭ ۇلكەن جارىلىسىنان جانە اۋەدەن اتىلعان سنارياد جارىلىسىنان ولگەن" دەدى ول.

باچەلەت ۋكراينانىڭ ميلليونداعان ادامى قاۋىپ-قاتەردەن قاشىپ، مەترو مەن جەرتولەدە باس ساۋعالاۋعا ءماجبۇر بولىپ وتىرعانىن ايتتى.

ونىڭ سوزىنشە، بۇۇ بوسقىندار ءىسى جونىندەگى اگەنتتىگى ۋكراينادان 368 مىڭ ادامنىڭ بوسقىن رەتىندە شىعىپ كەتكەنىن، ۋكراينا ىشىندە بوسىپ جۇرگەندەر دە كوپ ەكەنىن ەسەپتەپ وتىر.

باچالەتتىڭ ءسوزى بۇۇ ادام قۇقىعى جونىندەگى كەڭەسىنىڭ جىل سايىنعى نەگىزگى سەسسياسى باستالار قارساڭدا ايتىلدى. سەسسيا ۋكرايناداعى ۇرىس قيمىلدارى بويىنشا جەدەل پىكىر الماسۋ جونىندە داۋىس بەرۋدەن باستالدى.

پىكىر الماسۋدى تالاپ ەتكەن ۋكراينا وسى سەسسيادا ماسكەۋدىڭ ۋكرايناعا قارسى ارەكەتىن تەرگەۋگە شاقىراتىن رەزوليۋسيا ۇسىنۋى مۇمكىن. رەسەي ۋكراينانىڭ پىكىر الماسۋ جونىندەگى ءوتىنىشىن داۋىسقا سالۋعا قارسى شىقتى، ءبىراق كەڭەستىڭ 47 مۇشەسىنىڭ كوپشىلىك داۋىسىمەن كييەۆتىڭ ءوتىنىشى قولداۋ تاپتى.

بۇۇ-نىڭ جەنيەۆاداعى ءبولىمىنىڭ وكىلى ەۆگەنيا فيليپەنكو رەسەيدىڭ ارەكەتىن حالىقارالىق قاۋىمداستىققا شابۋىل دەپ باعالادى. "بۇل تەك ۋكرايناعا جاسالعان شاۋىل ەمەس، بۇل – بۇۇ-نىڭ ءاربىر مۇشەسىنە، وسى ۇيىم قورعايتىن ۇستانىمدارعا شابۋىل" دەدى ول.

ونىڭ سوزىنشە، شابۋىل باستالعالى بەس كۇن ىشىندە 350-دەن استام ادام ولتىرىلگەن. ونىڭ 16-سى بالالار.

26 اقپاندا ۋكراينانىڭ دەنساۋلىق ساقتاۋ ءمينيسترى ۆيكتور لياشكو رەسەي شابۋىلىنان 198 ادام ءولىپ، مىڭنان اسام ادام جارالاندى دەپ مالىمدەگەن. رەسەي سوعىس قۇرباندارىن ايتپاي وتىر. رەسەيدىڭ قورعانىس مينيسترلىگى اسكەريلەر اراسىندا ولگەندەر بار ەكەنىن مويىندادى.



[ad_2]

دەرەككوز
بۇل ماقالا تۋرالى نە ويلايسىز؟