ماڭعىستاۋ وبلىسىندا اتا-انالار تۇلەكتەرگە وزدەرى جاسىرىن ءۇي جالداپ بەرگەن، دەپ حابارلايدى Alash.kz Lada.kz سايتىنا سىلتەمە جاساپ.
اق جەلكەن اۋىلىندا كەزەكشىلىكتە جۇرگەن ۇستازدار تۇلەكتەر مەكتەپ بىتىرۋلەرىن جەكە ۇيلەردە تويلاعانىن انىقتادى.
كافە جانە مەيرامحانالارمەن قاتار جەكە ۇيلەردە دە كەش ۇيىمداستىرۋعا تىيىم سالىنعانىنا قاراماستان، تۇلەكتەردىڭ اتا-انالارى سوڭعى قوڭىراۋدى تويلاۋ ءۇشىن جاسىرىن تۇردە پاتەر جالداعان بولىپ شىقتى.
تۇلەكتەردىڭ اتا-انالارى شەكتەۋلەرمەن تانىس ەكەندەرى تۋرالى قولحات تا جازعان بولىپ شىقتى.
ارنايى شتاب مۇشەلەرى قايتا ءتۇسىندىرۋ جۇمىستارىن جۇرگىزدى.
“اتا-انالار، كامەلەتكە تولماعان بالالارىڭىزدىڭ قاۋىپسىزدىگىنە جاۋاپتى سىزدەرسىزدەر. الدىن الا بۇل تۋرالى سىزدەرگە ەسكەرتىلدى. بىلە تۇرا وسىنداي نارسە جاساپ وتىرسىزدار"، – دەپ ءتۇسىندىردى №15 ورتا مەكتەپتىڭ ديرەكتورى اسقار دوسوۆ.
ايتا كەتەيىك، بۇعان دەيىن جەلىدە مۇعالىمدەردى پوست جازۋعا ماجبۇرلەپ جاتقانى تۋرالى اقپارات تارادى. ايتۋلارىنشا، ولارعا سوڭعى قوڭىراۋدىڭ وتپەيتىنى تۋرالى شەشىمدى قولداپ پىكىر قالدىرۋ تالاپ ەتىلگەن.
