ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الەمدىك ارەناعا ديماشتان اسىپ تۇسەتىن شاكىرت تاربيەلەيمىن - ايگۇل يمانبايەۆا

23 مامىر 2024 3029

بەلگىلى ءانشى ايگۇل يمانبايەۆا "1001 ءتۇن" باعدارلاماسىنا بەرگەن سۇحباتىندا ءوزىنىڭ ديماش قۇدايبەرگەننەن اسىپ تۇسەتىن ءانشىنى دايىندايمىن دەپ ايتتى. بۇل تۋرالى Alash.kz مالىمدەيدى.

ءار ادامنىڭ ءوز ميسسياسى بار ەكەنىن، جانە ءوزىنىڭ ماقساتى قازاقستانعا ەڭبەگى سىڭەتىن شاكىرتتەردى تاربيەلەۋ ەكەنىن باياندادى.

كىم قانداي ماقساتتا وقىپ كەلەتىنىن مەن بىلمەيمىن. جالپى مەنىڭ ماقساتىم، قاي جەردە وتىرايىن، قاي جەردە جۇرەيىن ماعان ونەر دەگەن جولدى قۇداي ماڭدايىما امانات قىپ بەردى ما، مەن وسى جولدا دا قىزمەت ەتە الامىن. مەنىڭ ءوزىمنىڭ اي اكادەميام بار، اي تەاترىم بار، مەملەكەتتىك ۋنيۆەرسيتەتتە اي شەبەرحانام بار. مەن ىستەيتىن جۇمىس كوپ. سول سەبەپتى دە ءقازىر مەن جيىپ-تەرىپ اكەلگەن ەنەرگيامدى دا، ويىمدى دا تالان-تاراجعا تۇسىرمەي، ۇيرەنگەنىمنىڭ ءبارىن، جازاتىنىن جازىپ كەلدىم، سونىڭ ءبارىن شاكىرتتەرىمە بەرەمىن، - دەيدى ءانشى.

الەمگە تانىمال تۇلعالاردى دايىنداپ شىعاتىنى تۋرالى دا تىلگە تيەك ەتتى. 

ءار ونەر ادامىنىڭ ارقالاپ جۇرگەن ميسسياسى بار، جولى بار. مەنىڭ ميسسيام – الدىمدا 500 شاكىرت وتىر، وقۋشىسى بار، ستۋدەنتى بار، شاكىرتى بار، سول ۇرپاقتىڭ ورەسى بيىك بولۋى، ءبىلىمدى بولۋى، تالانتتى بولۋى. ونىڭ ناتيجەسىن ديماش كورسەتتى، ياعني ديماشتان اسىپ تۇسەتىن، ديماشتىڭ دەڭگەيىندە جۇرەتىن قازاقتا ورەسى دە بيىك، ءبىلىم دە جوعارى تالانتتى ۇل-قىزدارى جەتەدى. ولاردى جول كورسەتىپ تاربيەلەيتىن كىم؟ ورەسى بار، ءبىلىمى بار، تالانتى بار ۇستاز. مەن ءوزىمدى سول قاتاردان كورەمىن، - دەدى ايگۇل يمانبايەۆا.

 

بۇل ماقالا تۋرالى نە ويلايسىز؟