ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

Toyota رەسەيدەگى زاۋىتىن جاپتى: قازاقستانعا كەلەتىن Camry مەن RAV4 ازايادى

03 ناۋرىز 2022 105
3 ناۋرىزعا قاراعان ءتۇنى Toyota Motor رەسەيگە Toyota جانە Lexus اۆتوكولىكتەرىن جەتكىزۋدى دوعارعانىن حابارلادى. بۇل حابارلاما كومپانيانىڭ رەسمي سايتىندا جاريالاندى، دەپ حابارلايدى Alash.kz سايتى Kolesa باسىلىمىنا سىلتەمە جاساپ.

سونىمەن قاتار 4 ناۋرىزدا Camry سەدانى مەن RAV4 كروسسوۆەرىن شىعاراتىن سانكت-پەتەربۋرگتەگى زاۋىتتىڭ جۇمىسى توقتايدى.

اتالعان زاۋىتتا وندىرىلگەن ماشينالار قازاقستان نارىعىنا جەتكىزىلەدى. بىلتىر ءبىزدىڭ ەلدە 5.6 مىڭ Camry جانە 3.2 مىڭعا جۋىق RAV4 ءوتتى. بۇل — ەلدە ساتىلعان Toyota كولىكتەرىنىڭ تەڭ جارتىسىنان استامى.

Toyota وكىلدەرى ايماقتاعى لوگيستيكا جەلىسى بۇزىلعاندىقتان شەكتەۋ ەنگىزىلگەنىن مالىمدەدى.

انىقتاما رەتىندە: Toyota كولىكتەرى قازاقستانعا رەسەيدەن بولەك تاعى بىرنەشە ەلدەن جەتكىزىلەدى. اتاپ ايتقاندا، Land Cruiser Prado مەن Land Cruiser 300 جاپونيادان، Corolla مەن C-HR تۇركيادان، Hilux تايلاندتان، Highlander اقش-تان اكەلىنەدى.
بۇل ماقالا تۋرالى نە ويلايسىز؟