ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قايرات زامانبەك ۇلى اكەسىنىڭ وزىنە قول جۇمساعانىنا سەنبەيدى

03 ناۋرىز 2022 86
 

 

مارقۇم ساياساتكەر زامانبەك ءنۇرقادىلوۆتىڭ ۇلى قايرات ءنۇرقادىلوۆ اكەسىنىڭ ولىمىنە قاتىستى قىلمىستىق ءىستى تەرگەۋدى قايتا باستاۋدى تالاپ ەتىپ، ق ر باس پروكۋرورىنا ارىز جازدى.

ءبىراق جاڭا باس پروكۋرور بەرىك اسىلوۆ جۋرناليستەرگە اتالعان شاعىمنان حابارسىز ەكەنىن ايتتى. ساياساتكەردىڭ ۇلى اكەسىن 2005 جىلى 12 قاراشادا اتىپ كەتكەنىن العا تارتتى.
«اكەمدى ءولتىرۋ ايعاقتارىنا قاراماستان، بىردەن وز-وزىنە قول جۇمساۋ فاكتىسى بويىنشا قىلمىستىق ءىس قوزعالدى. بۇل داۋسىز دالەلدەرگە قاراماستان، جۇرەككە ەكى رەت جانە باسىنا ءبىر رەت وق اتىلعان، بۇل ءسۋيسيدتىڭ تەحنيكالىق بەلگىلەرىن تولىعىمەن جوققا شىعارادى» دەدى قايرات ءنۇرقادىلوۆ مالىمدەمەسىندە.

مارقۇمنىڭ ۇلى سۋيسيد نۇسقاسىنا سەنبەيدى جانە تەرگەۋدى قايتا باستاۋدى تالاپ ەتتى.


سەنات وتىرىسىندا جۋرناليستەر جاڭا باس پروكۋرور بەرىك اسىلوۆقا كىشى ءنۇرقادىلوۆتىڭ مالىمدەمەسى تۋرالى سۇراق قويدى.




«اپەللياسيا ءتۇستى مە، جوق پا؟» دەپ سۇرادى ازاتتىق ءتىلشىسى. اسىلوۆ وعان «ول تۋرالى بىلمەيمىن» دەدى اسىعىس.

بۇل ماقالا تۋرالى نە ويلايسىز؟