ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"تاتىشيەۆتى ءابليازوۆ تاپسىرىسىمەن ءولتىردى" دەپ ايىپتالعان توقمادي ايىپتى تەرىستەپ، ءوزىن كۇشپەن مويىنداتقانىن ايتتى

09 ناۋرىز 2022 97
[ad_1]



بتا بانكتىڭ باسشىسى ەرجان تاتىشيەۆتى مۇحتار ءابليازوۆتىڭ تاپسىرماسىمەن ءولتىردى دەپ ايىپتالىپ، ۇزاق جىلعا سوتتالعان تۇرمەدەگى كاسىپكەر مۇراتحان توقمادي تاتىشيەۆتىڭ ولىمىنە ءابليازوۆتىڭ قاتىسى جوعىن مالىمدەدى. 9 ناۋرىزدا ونىڭ جەزقازعان تۇرمەسىنەن جازعان حاتىن اقپارات قۇرالدارى جاريالادى. بۇل حاتتى ازاتتىق ءتىلشىسى دە كوردى. حاتتىڭ توقمادي اتىنان جازىلعانىن ايەلى ءجاميلا ايىمبەتوۆا-توقمادي راستادى.


پرەزيدەنت قاسىم-جومارت توقايەۆقا ارناپ جازعان حاتىندا مۇراتحان توقمادي ءوزىن ازاپتاپ، كىنانى مويىنداتۋعا ءماجبۇر بولعانىن ايتقان. ول ءوزى مەن جاقىندارى، ارىپتەستەرى مەن دوستارىنا جاسالعان "قۇقىقتىق ۆانداليزمگە" قاڭتار باسىندا اۋىر باپ بويىنشا قامالعان ۇقك-نىڭ بۇرىنعى ءتوراعاسى كارىم ءماسىموۆ ("مەملەكەتكە وپاسىزدىق جاساۋ" بابى بويىنشا ايىپتالعان، ءقازىر تەرگەۋ يزولياتورىندا وتىر) باستاعان كۇشتىك قۇرىلىمداردى كىنالايدى.


"قوقان-لوقى، سوققى، ازاپتاۋ، وتباسىنا مورالدىق-پسيحولوگيالىق قىسىم كورسەتۋ، 20-30 جىل بۇرىنعى قىلمىستىق ءىستى بۇرمالاۋ، جولداسىما قارسى ءۇش قىلمىستىق ءىس اشۋ، تۋىسىمدى قاماۋ، بيزنەستى بۇعاتتاۋ، مۇلىككە تىيىم سالۋ جانە وتباسىنىڭ ەسەپشوتىن بۇعاتتاۋ جانە وزگە دە ادىس-تاسىلدەر ارقىلى مەنى كىنانى مويىنداپ، پروسەسسۋالدىق كەلىسىمگە (پك) قول قويۋعا كوندىردى. ولاردىڭ شارتى بويىنشا مەن: 1) 2004-2005 جىلدارى بۇرىنعى ارىپتەسىم س.ا. نەپروپەكيننىڭ مۇلكى مەن ۇلەسىن بوپسالادىم دەپ؛ 2) ەرجان تاتىشيەۆتى مۇحتار ءابليازوۆتىڭ تاپسىرىسى بويىنشا ءولتىردىم دەپ مويىنداۋعا ءتيىس بولدىم" دەيدى توقمادي حاتىندا.


ءتوقماديدىڭ جازۋىنشا، ونى "پروسەسسۋالدىق كەلىسىمگە" قول قويعىزۋ ءۇشىن تەك ازاپتاپ قانا قويماي، الماتىداعى پسيحياتريا بولىمىنە دە جاتقىزعان.


"ءتورت اي بويعى وسىنداي "رەجيمنەن" كەيىن جانە مەنىڭ ايەلىمدى 15 جىلعا وتىرعىزىپ، ال كىشى بالالارىمدى بالالار ۇيىنە جىبەرەمىز دەپ قوقان-لوقى جاساعاننان كەيىن 2017 جىلى 18 قاراشادا پروسەسسۋالدىق كەلىسىمگە قول قويۋعا ءماجبۇر بولدىم. 2018 جىلى 16 ناۋرىزدا تاراز سوتىنىڭ سۋدياسى م.تىلەپوۆ ۇكىمدى وقىعان كەزدە "ءسىزدىڭ پروسەسسۋالدىق كەلىسىمىڭىز ىستە بار، كىنالى ادامعا ۇكىم شىققاننان كەيىن كۇشىنە ەنەدى" دەپ ايتقان. ءابليازوۆقا 2018 جىلى 27 قاراشادا ۇكىم وقىلدى. ءبىر جىلدان سوڭ 2019 جىلى قاراشادا وتباسىمنىڭ بىرنەشە رەت جازعان مالىمدەمەسىنە، اتاپ ايتقاندا پروسەسسۋالدىق كەلىسىمدى قولدانىپ، جۇمساعىراق جازا قولدانۋ تۋرالى وتىنىشىنە جاۋاپ بەرگەن جامبىل وبلىسىنىڭ پروكۋرورى ج.ك.قۇسايىنوۆ "تاعايىندالعان مەرزىمنىڭ ءوزى ەڭ قىسقا مەرزىم" دەپ مالىمدەدى. وسىلايشا ءبىزدىڭ "پروسەسسۋالدىق كەلىسىم – انشەيىن الداۋ" دەگەن ءاۋ باستاعى بولجامىمىز راستالدى" دەپ جازدى حاتتا.


ول حاتتىڭ سوڭىندا ءوزى "جاساماعان قىلمىس ءۇشىن" تۇرمەدە وتىرعانىن العا تارتىپ، كۇشتىك قۇرىلىمنىڭ سول كەزدەگى باستى ماقساتى – "نۇرسۇلتان نازاربايەۆتىڭ قاس جاۋى مۇحتار ءابليازوۆتىڭ ەكستراديسياسى ەدى، الايدا قاڭتاردا ولاردىڭ ءبارى ۇستالدى" دەپ جازدى.


ول توقايەۆتان ءىستى قايتا قاراپ، ءوزىن اقتاپ، بوساتۋدى سۇراعان.


9 ناۋرىزدا قۋعىنداعى بۇرىنعى بانكير مۇحتار ءابليازوۆ ءتوقماديدىڭ حاتىنا بايلانىستى رەاكسيا ءبىلدىردى. ول قازىرگى بيلىك ءۇشىن ءتوقماديدىڭ حاتى "تاماققا قادالعان سۇيەكتەي" اسەر ەتەتىنىن ايتىپ، ءبىراق كاسىپكەردىڭ حاتى جاۋاپسىز قالادى دەپ سانايتىنىن جازدى. بيلىك وكىلدەرى ازىرگە رەاكسيا بىلدىرمەدى.



ەرجان تاتىشيەۆ 2004 جىلى اڭشىلىقتا جۇرگەندە وق ءتيىپ ولگەن. سول كەزدە مۇنى سوت "جازاتايىم وقيعا" دەپ تانىپ، بانكيردىڭ جانىندا بىرگە بولعان كاسىپكەر مۇراتحان ءتوقماديدى ءبىر جىلعا سوتتاعان. ءبىراق 2017 جىلى ءىس قايتا قارالىپ، مۇراتحان توقمادي "تاتىشيەۆتى "تۇرانالەم" بانكىن يەلەنۋدى كوزدەگەن مۇحتار ءابليازوۆتىڭ تاپسىرىسىمەن ءولتىردىم" دەگەن. سوت ونى 2018 جىلى ون جارىم جىلعا سوتتاعان.






[ad_2]

دەرەككوز
بۇل ماقالا تۋرالى نە ويلايسىز؟