سولتۇستىك قازاقستان وبلىسىنىڭ تايىنشا قالاسىنا سۋ تاسقىنىمەن كۇرەسكە كومەككە كەلگەن تۇركىستاندىق قۇتقارۋشى قايتىس بولدى. بۇل تۋرالى سقو توتەنشە جاعدايلار دەپارتامەنتى باسپا ءسوز قىزمەتى مالىمدەدى.
2 ساۋىرگە قاراعان ءتۇنى 45 جاستاعى بەكجان بالدانوۆ تايىنشا قالاسىنداعى اۋداندىق اۋرۋحانانىڭ رەانيماسيا بولىمىنە تۇسكەن. الايدا دارىگەرلەر ونىڭ ومىرىنە اراشا تۇسە المادى. ولىمگە ءجىتى ميوكارد ينفاركتىسى سەبەپ بولعان.
ەر ادام تۇركىستان وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى سايران اۋدانىنىڭ № 6 ءورت ءسوندىرۋ ءبولىمىنىڭ بولىمشە كومانديرى بولىپ ەڭبەك ەتكەن.
بەكجان بالدانوۆ تايىنشا قالاسىنا 1 ساۋىردە تۇركىستان وبلىسىنىڭ كۇشتەرى مەن قۇرالدارى توبىنىڭ قۇرامىندا سۋ تاسقىنىنا قارسى ءىس-شارالاردى وتكىزۋگە كومەك كورسەتۋ ءۇشىن كەلدى. سول كۇنى كەشكە ءوزىن ناشار سەزىنىپ، كەيىن اۋرۋحاناعا تۇسكەن. پەتروپاۆلداعى اۋرۋحاناعا جاتقىزۋ ءۇشىن ساناۆياسيامەن جەتكىزىلمەك بولعان.