ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مەملەكەتتىڭ العا قويعان ماقساتتارىن تاڭبا ارقىلى حالىققا جەتكىزە ءبىلۋ كەرەك - جاڭا ادامدار

03 ءساۋىر 2024 209

ونىڭ ايتۋىنشا، كاسىبي ديزاينەر نە سۋرەتشى بولماسا دا ەلتاڭباعا مەملەكەتتىڭ العا قويعان ماقساتتارىن بەلگىلەيتىن سيمۆولدار كەرەك.

حابار تەلەارناسىندا «ەلتاڭبا وزگەرە مە؟» تاقىرىبى اياسىندا باعدارلاما تۇسىرىلىمىندە "جاڭا ادامدار" جاستار قوزعالىسىنىڭ مۇشەسى المات قۋانىش ءوز پىكىرىن ءبىلدىردى، دەپ حابارلايدى Alash.KZ ۇلتتىق پورتالى.

جۇرگىزۋشى تاراپىنان «جاڭا ادامداردىڭ» جۇرگىزگەن ساۋالناماسىنا قاتىستى «قانشا رەسپوندەنت قاتىسقانىن، قاي قالالاردا، قانشا جاس ارالىعىندا» دەگەن سۇراقتار قويىلدى.

«بۇل ساۋالنامانى ءبىزدىڭ بەلسەندىلەرىمىز استانا جانە الماتى قالاسىندا وتكىزدى. ساۋالناماعا 500 دەن استام ءار ءتۇرلى جاستاعى ادام قاتىستى. ساۋالناماعا قاتىسقانداردىڭ 70 پايىزى ەلتاڭبامىزدى قانداي بەينەدە ەكەنىن بىلمەيدى. ەلتاڭبادا بەينەلەنگەن قۇستا ايداھار سۋرەتتەرىن تاڭداعاندار بولدى. ولاردىڭ قانداي ماعىنادا ەكەنىن تۇسىندىرۋگە تىرىستى.

ولار ءتىپتى ەلتاڭبا بەينەسىنىڭ قانداي ماعىنا بەرەتىنىن دە تۇسىنبەيدى. مەملەكەتتىك ستاتۋستاعى ەلتاڭبامىز ەلدىڭ باعىت-باعدارىن جانە العا قويعان ماقساتىن بەينەلەۋ كەرەك. ال ونداي قۇندىلىقتاردى حالقىمىز بىلمەسە جانە تۇسىنبەسە، سەزىنبەسە ەلتاڭبا ءوزىنىڭ باستى فۋنكسياسىن ورىنداپ تۇرعان جوق دەگەن ءسوز»، - دەدى المات قۋانىش.

ونىڭ ايتۋىنشا، قازىرگى ەلتاڭبادا قۇندىلىق جوق جانە تۇپكىلىكتى قاتە دەگەندى بىلدىرمەيدى. كەز-كەلگەن مەملەكەت، ۋاقىت ءاردايىم قوزعالىستا بولادى. سول وزگەرىستەرگە بەيىمدەلە ءبىلۋ كەرەك. مەملەكەتتىڭ العا قويعان ماقساتتارى مەن ۇستانىمدارى وزگەرسە وسى تاڭبا ارقىلى حالىققا جەتكىزە ءبىلۋ كەرەك.

سوڭعى وتكەن قۇرىلتايدا پرەزيدەنتىمىز جاڭا ادىلەتتى قازاقستان قۇرۋ ءۇشىن – ءبىزدىڭ قوعام بىلىمگە قۇشتار، ەڭبەكقور، شىعارماشىل دەگەن سياقتى قاسيەتتەرگە يە بولۋ كەرەك دەدى.

«ءبىزدىڭ جۇرگىزگەن ساۋالناما بويىنشا ەشقانداي تۇرعىن ونداي سيپاتتاما تۋرالى ايتپادى. ولار تەك قازاقستان تۋرالى كوزقاراستارىن ايتتى. مەملەكەتتىڭ قويعان ماقساتتارى حالىققا ايقىن ەمەس»، - دەدى ول.

ونىڭ ايتۋىنشا، كاسىبي ديزاينەر نە سۋرەتشى بولماسا دا ەلتاڭباعا مەملەكەتتىڭ العا قويعان ماقساتتارىن بەلگىلەيتىن سيمۆولدار كەرەك.

ق ر مادەنيەت جانە اقپارات مينيسترلىگى گەرالديكالىق زەرتتەۋلەر ورتالىعىنىڭ باس مامانى اسىلجان بيجانوۆتىڭ ايتۋىنشا، پرەزيدەنتتىڭ ايتقان سوزىندە ەكى يدەيا جاتىر. سونى قوعام تالقىلاۋىنا سالىپ شەشۋىمىز كەرەك.

 

بۇل ماقالا تۋرالى نە ويلايسىز؟