ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سۋ تاسقىنان زارداپ شەككەن كەي وڭىرلەردىڭ وقۋشىلارى تجب مەن بجب تاپسىرمايدى

20 ءساۋىر 2024 220

ەۆاكۋاسيالىق پۋنكتەردەگى 4 مىڭعا جۋىق بالا تۇرۋ جانە وقۋ ءۇشىن قولايلى ورىنجايلارعا اتا-انالارىمەن بىرگە ورنالاستىرىلدى، ونىڭ ىشىندە 600-گە جۋىق وقۋشى ساۋىقتىرۋ ورتالىقتارىنا، 2 مىڭعا جۋىق بالا كوللەدجدەر مەن جوعارى وقۋ ورىندارىنىڭ جاتاقحانالارىنا، 600-گە جۋىق بالا رەسپۋبليكالىق ماڭىزداعى يننوۆاسيالىق مەكتەپ-ليسەي جاتاقحانالارىنا ورنالاستىرىلدى. بۇل تۋرالى ق ر وام رەسمي وكىلى مەرەكە امانگەلدى قىزى وكق بريفينگىندە حابارلادى، دەپ جازدى Alash.KZ ۇلتتىق پورتالى. 

رەزەرۆ رەتىندە بالالار مەن ولاردىڭ اتا-انالارى ءۇشىن قوسىمشا 7094 ورىن ازىرلەندى. وقۋشىلار قاجەتتى وقۋ قۇرالدارىمەن، تاماقتانۋمەن جانە كيىممەن قامتاماسىز ەتىلدى. قازاقستان تەمىر جولىمەن بىرگە بالالاردى ساۋىقتىرۋ ورتالىقتارىنا تەگىن تاسىمالداۋ ۇيىمداستىرىلدى. 

«سونىمەن قاتار، زارداپ شەككەن وڭىرلەردەگى بالالار ءۇشىن ەمتيحان تاپسىرۋ مەرزىمدەرى قايتا قارالدى. بۇدان بۇرىن اقتوبە جانە اتىراۋ وبلىستارىندا تجب مەن بجب وتكىزىلمەيتىنى حابارلاندى. بۇگىنگى تاڭدا سولتۇستىك قازاقستان وبلىسىنىڭ زارداپ شەككەن ەلدى مەكەندەرىندە تۇراتىن بالالار ءۇشىن دە تجب مەن بجب الىنىپ تاستاۋ تۋرالى شەشىم قابىلداندى. اقمولا جانە باتىس قازاقستان وبلىستارىندا شەشىم جاعدايعا قاراي قابىلداناتىن بولادى»، - دەدى سپيكەر.
بۇل ماقالا تۋرالى نە ويلايسىز؟