ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەكسپوعا كەتكەن 940 ملرد تەڭگەنى بوگەتكە جۇمساعاندا سۋ تاسقىنى بولماۋشى ەدى - ەرلان سايروۆ

16 ءساۋىر 2024 1351

سۋ تاسقىنى بولسىن، ارىستاعى، جامبىلداعى ماسەلەلەر - ەسكى جۇيەنىڭ ىرىپ-شىرىگەن كوررۋپسيانىڭ جەمىسى. بۇل پىكىردى ءماجىلىس دەپۋتاتى ەرلان سايروۆ Abay Live YouTube ارناسىنا بەرگەن سۇحباتىندا ايتتى.

"حالىققا تيەسىلى اقشانىڭ بارلىعى سول كىسىلەردىڭ قالتاسىنا يا بولماسا ۆاليۋتاليستىك جوبالارىنا كەتكەن. قازاقستان حالقىنىڭ قارجىسى ءوز ورنىندا بولعان كەزدە ءدال قازىرگىدەي جاعداي ەلدە ەش بولماس ەدى.

ءبىرىنشى فاكت: 2017 جىلى ەكسپونى وتكىزۋگە 2 ملرد دوللار جۇمسادىق. بۇل دەگەنىمىز 940 ملرد تەڭگە. وسى اقشانى اۋىلداعى توعانعا، سۋدى بوگەۋگە، پلاتينا سالۋعا جۇمسايتىن بولساق، بۇنداي الىپ دەڭگەيدەگى ماسەلە بولماس ەدى. بيلىك بىزگە “قازاقستان جاسىل ەكونوميكانىڭ ورداسى بولادى" دەپ ەدى، قايدا ءقازىر جاسىل ەكونوميكا؟ بۇل ماسەلەنى ءارى قاراي اشۋ كەرەك. ەكسپو كەزىندە سالىنعان عيماراتتار ءقازىر كىمنىڭ قولىندا؟ سونى ءبىلۋ كەرەك.

بۇل ءبىرىنشى ، ەكىنشى احۋال، 2008-2018 جىلدار ارالىعىندا جەكەمەنشىك بانكتەرگە 8،2 ترلن تەڭگە بەرىلگەن. بۇنى مەن ەمەس، دۇنيەجۇزىلىك بانك بايانداپ وتىر. سول اقشانىڭ ءقازىر تەك مەملەكەتكە 1،2 ترلن عانا قايتتى. قالعان حالىقتىڭ اقشاسىنا باسشىلار ءالى تايراڭداپ ءجۇر. 8 ترلن تەڭگە اۋىل-ايماققا ينفوقۇرىلىمعا بولىنگەن كەزدە بۇنداي قايعىلى جاعداي بولار ما ەدى؟"،- دەدى ەرلان سايروۆ.

بۇل ماقالا تۋرالى نە ويلايسىز؟