ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سقو: 2 جىلدا 14 مەكتەپ جابىلدى

12 قازان 2022 73
سولتۇستىك قازاقستان وبلىسىندا سوڭعى ەكى جىلدا 14 مەكتەپتىڭ جابىلۋىن جاۋاپتى ماماندار ءبىلىم ۇيالارىنداعى وقۋشى سانىنىڭ ازدىعىمەن بايلانىستىرىپ وتىر. 

ايتا كەتۋ قاجەت بۇل ءبىلىم وشاقتارىنىڭ بارلىعى اۋىلدى جەرلەردە ورنالاسقان. ولاردىڭ كەيبىرىندە بالا سانى ءتىپتى ۇشكە دە جەتپەي قالعان. سوندىقتان ءبىلىم باسقارماسىنداعى مامانداردىڭ شەشىمىمەن ولاردىڭ ەسىكتەرىنە قۇلىپ ءىلىندى. جالپى قازىرگى تاڭدا وڭىردە 465 مەكتەپ جۇمىس ىستەپ تۇر. ال ونىڭ 75%ء-ى شاعىن كومپلەكتىلى. سونداي-اق 306 اۋىلدان 2700-دەن استام وقۋشى كورشى ەلدى مەكەندەرگە قاتىناپ وقۋعا ءماجبۇر. وڭىردە ەكى جاڭا ءبىلىم وشاعىنىڭ قۇرىلىسى ءجۇرىپ جاتىر.

وبلىستىق ءبىلىم باسقارماسىنىڭ حابارلاۋىنشا 2022-2023 جاڭا وقۋ جىلىندا جابىلدى:

  • ايىرتاۋ اۋدانىنىڭ ۆەرحنەبۇرلۇق باستاۋىش مەكتەبى؛

  • ەسىل اۋدانىنىڭ الابي باستاۋىش مەكتەبى؛

  • ماعجان جۇمابايەۆ اۋدانىنداعى زولوتايا نيۆا نەگىزگى مەكتەبى؛

  • قىزىلجار اۋدانىندا جەلياكوۆ، نوۆونيكولسك باستاۋىش مەكتەپتەرى؛

  • عابيت مۇسىرەپوۆ اۋدانىنداعى ليتۆينوۆكا باستاۋىش مەكتەبى؛

  • تايىنشا اۋدانىنداعى كراسنودولسكيي باستاۋىش مەكتەبى.


ءنازىر جاشىبەكوۆ، وبلىستىق ءبىلىم باسقارماسىنىڭ باسشىسى:

– بۇل مەكتەپتەردە بالالاردىڭ سانى نورماتيۆكە سايكەس كەلمەدى. سول سەبەپتەن وسى مەكتەپتەر جابىلىپ قالدى. جابىلعان مەكتەپتەردە بۇكىل بالالاردى تاسىمالداۋ ۇيىمداستىرىلدى. ينتەرناتتا تۇراتىن بالالاردى بەس رەت تاماقتاندىرامىز. بىلتىر 7 مەكتەپ جابىلدى. سودان كەيىن 7 مەكتەپ رەورگانيزايا بولىپ كەتتى عوي. بيىل رەورگانيزاسيا جوق. 

 
بۇل ماقالا تۋرالى نە ويلايسىز؟