ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شقو-دا زاڭسىز شارت جاساعان 3 اكىم جاۋاپكەرشىلىككە تارتىلدى

02 اقپان 2024 49
شىعىس قازاقستان وبلىسىنىڭ پروكۋرورلارى وڭىردە 3 اكىمنىڭ اكىمشىلىك جاۋاپكەرشىلىككە تارتىلعانىن مالىمدەدى.

شەمونايحا اۋدانىنىڭ پروكۋراتۋراسى جۇرگىزگەن تالداۋ ناتيجەلەرى بويىنشا مەملەكەتتىك ساتىپ الۋ تۋرالى تىكەلەي شارتتاردى زاڭسىز جاساۋ فاكتىلەرى انىقتالعان.
قولدانىستاعى مەملەكەتتىك ساتىپ الۋ تۋرالى زاڭناما ەگەر بىرتەكتى تاۋارلاردىڭ، جۇمىستاردىڭ، كورسەتىلەتiن قىزمەتتەردىڭ قۇندىق ماندەگى جىلدىق كولەمى اەك-تىڭ 3 000 ەسەلەنگەن مولشەرىنەن اسپاسا، اۋداندىق ماڭىزى بار قالالار، اۋىلدار، كەنتتەر، اۋىلدىق وكرۋگتەر اكىمدەرى اپپاراتتارىنىڭ وسىنداي بىرتەكتى تاۋارلاردى، جۇمىستاردى، كورسەتىلەتiن قىزمەتتەردى ءبىر كوزدەن ساتىپ الۋعا مۇمكىندىك بەرەدى («مەملەكەتتىك ساتىپ الۋ تۋرالى» زاڭىنىڭ 39-بابى 3-تارماعى 42-تارماقشاسى). الايدا جەكەلەگەن اكىمدەر ساتىپ الۋ كەزىندە ءبىر عانا جۇمىستىڭ قۇنىنا توقتالىپ (3000 اەك-تەن اسپايتىن)، جۇمىستىڭ بىرتەكتىلىك جايلى قويىلاتىن تالاپتاردى ادەيى ەلەمەگەن، دەىلىنگەن حابارلامادا. 

ماسەلەن، شەمونايحا قالاسى اكىمىنىڭ اپپاراتى اتالعان ادىسپەن قىسقى جول جوندەۋ جۇمىستارىن جۇرگىزۋگە جالپى سوماسى 27،2 ملن. تەڭگەگە 3 شارت جاساسقان. جۇمىستىڭ سيپاتى بىرتەكتى، ءبىراق بۇل رەتتە جالپى قۇنى 3000 اەك-تەن اسقانىن ەسكەرە وتىرىپ، بۇل ساتىپ الۋلار باسەكەلەستىك ورتادا جۇزەگە اسىرىلۋى ءتيىس بولاتىن.

وسىنداي زاڭ بۇزۋشىلىقتارعا زيەۆاكين جانە ۆاۆيلون اۋىلدىق وكرۋگتەرىنىڭ اكىمدەرى دە جول بەرگەن.

پروكۋرورلىق قاداعالاۋ اكتىسى بويىنشا شەمونايحا قالاسى، زيەۆاكين جانە ۆاۆيلون اۋىلدىق وكرۋگتەرىنىڭ اكىمدەرى ق ر اقبتك 207-بابىنىڭ 11-بولىگى بويىنشا ءارقايسىسى 100 اەك مولشەرىندە ايىپپۇل تۇرىندەگى اكىمشىلىك جاۋاپكەرشىلىككە تارتىلدى.

فوتو: Sputnik / ماكسيم ماسلوۆ
بۇل ماقالا تۋرالى نە ويلايسىز؟