جيىنعا اتالعان كوميتەت ءتوراعاسى اسحات ايماعامبەتوۆ جەتەكشىلىك ەتتى. زاڭ جوباسىن تۋريزم جانە سپورت ۆيسە-مينيسترى سەرىك جاراسبايەۆ تانىستىردى.
سونىمەن الداعى ۋاقىتتا سپورت سالاسىندا نە وزگەرەدى؟
1. وليمپيادا، پاراليمپيادا، سۋردليمپيادا، ازيا، پارازيادا ويىندارىنىڭ باعدارلامالارىنا ەنگىزىلگەن جانە ولاردىڭ اياسىندا جوعارى سپورتتىق ناتيجەلەرى بار سپورت تۇرلەرىنە باسىمدىق بەرىلەدى.
2. سپورت سالاسىنداعى باسقارۋ ينستيتۋتتارىنىڭ ءوزارا ءىس-قيمىلى قايتا قارالادى. بۇل ماسەلە ءبىر سپورت تۇرىنەن ءبىر عانا فەدەراسيانى تانۋ جولىمەن قارالاتىن بولادى.
3. سپورت رەزەرۆىن دايارلاۋ جەتىلدىرىلەدى، اتاپ ايتقاندا، سپورتتىق دايىندىقتىڭ ۇلتتىق ستاندارتتارى ازىرلەنىپ، بەكىتىلەدى.
4. ۇلتتىق سپورت مەديسيناسى مەن وڭالتۋ ۇيىمىنىڭ فۋنكسيالارىنا جەكە باپ ءبولۋ جانە باسقا دا وزگەرىستەر كوزدەلگەن.
زاڭ جوباسىن تالقىلاۋ جۇمىس توبىندا جالعاسادى.
فوتو: pixabay.com
