ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شىرىگەن ترۋبا، ەسكىرگەن قازاندىق، «كەڭەستەن قالعان» ناسوس. 160 ملرد تەڭگە قايدا كەتتى؟ - دەپۋتات

13 جەلتوقسان 2023 45


دەپۋتاتى ەرلان سايروۆ دەپۋتاتتىق ساۋالىندا ءبىرىنشى اياز تۇسۋمەن ەلىمىزدىڭ كوممۋنالدىق ينفراقۇرىلىمىنىڭ سىر بەرە باستاۋى داستۇرگە اينالىپ وتىرعانىن ايتتى.




ماجىلىسمەن ءوز سوزىندە رەسپۋبليكا بويىنشا توزىعى جەتكەن جىلۋ ورتالىقتارى مەن ينفراقۇرىلىم 80 پروسەنتتەن اسىپ كەتكەنىن مالىمدەدى. ال، ولاردىڭ كوبى 50 جىلدان استام ۋاقىت بويى قولدانىلۋدا. بۇل ءقاۋىپتى جاعداي.
“بىلتىرعى، ەكىباستۇز، ريددەر، بالقاش، كوكشەتاۋ، قاراعاندى، تەمىرتاۋ، پەتروپاۆل قالالارىنداعى اپاتتار قوردالانعان ماسەلەلەردىڭ ايقىن كورىنىسى. سوعان قاراماستان، ءبىز جىلىنا بۇل سالادا تەك 5-7 پروسەنتكە عانا جاڭارىپ وتىرمىز. بۇل ءتىپتى، ەلدەگى ەسكىرۋ ءۇردىسىنىڭ ورنىن تولتىرمايدى.ولاي جالعاسا بەرسە، جىلۋ ەنەرگەتيكاسىنداعى كوللاپس ورناۋى بەك مۇمكىن.

شىرىگەن ترۋبا، ەسكىرگەن قازاندىق، «كەڭەستىك زاماننان قالعان» ناسوستاردى اۋىستىراتىن ۋاقىت ءوتىپ كەتكەنىن ءبارىمىز بىلەمىز.

ەكىنشىدەن، بىلتىر عانا جىلۋ سالاسىنداعى ينفراقۇرىلىمنىڭ توزۋىن ازايتۋ ماقساتىندا ارنايى 160 ميلليارد قارجى بولىنسە دە، سىقىرلاعان ايازعا توتەپ بەرە الار ەمەسپىز.

ۇشىنشىدەن، جىل باسىندا پارلامەنتتە جوعارعى اۋديتورلىق پالاتاسىنىڭ «جىلۋمەن جابدىقتاۋ سالاسى» بويىنشا قورىتىندى ەسەبىندە 100-دەن اسا ناقتى ۇسىنىستار مەن جۇيەلى سىندار ايتىلدى. ۇسىنىس رەتىندە بەرىلدى. ءبىراق، سول ۇسىنىستار بويىنشا نە جاۋاپ، نە اتقارىلعان ءىستى ءبىز كورمەدىك.
وسىلاي ءتىزىپ كەتە بەرۋگە بولادى. سوندىقتان بۇل سالاداعى مەنەدجمەنت پەن باقىلاۋدى كۇشەيتۋىمىز كەرەك. مىسالى، وتكەن جىلى AMANAT پارتياسى وكىلدەرى ەكىباستۇز حالقىنا مىڭداعان ءۇي جىلىتقىش پەن جىلى كورپە تاسىپ، حالىقتى جىلىتقانىن بىلەسىزدەر. بيىل وسىنداي جاعدايدى قايتالاتۋعا ۇكىمەتتىڭ ەش حاقىسى جوق”، – دەدى ە.سايروۆ.

ءماجىلىس دەپۋتاتى جاۋاپتى مينيسترلەر جىلى كابينەتتەرىنەن شىعىپ، بارلىق جينالىستارىن قىسقارتىپ، ايازدى كۇندەرى جىلۋ ورتالىقتارىنىڭ باس-قاسىندا ءجۇرۋى كەرەك ەكەنىن ايتتى.
“2022-2023 جىلدارى مەملەكەت باسشىسىنىڭ تىكەلەي تاپسىرماسىمەن بولىنگەن قاراجاتتاردىڭ ەسەبىنە قاتاڭ اناليز جاسالۋى ءتيىس. بۇل سالاداعى ءاربىر جەمقور قاتاڭ جازالانۋى ءتيىس!

وسى كۇندەرى وڭىرلەردەگى وپەراتيۆتى شتابتاردىڭ جۇمىسىن «ەكى ەسەلەنگەن 24/7 رەجيمىنە» كوشىرۋ قاجەت.

اكىمدىكتەر مەن ۇكىمەت وسى سالاداعى وڭىرلىك ءقاۋىپتى زونالار بويىنشا «ريسكتەر كارتاسىن» دايارلاپ، ولار بويىنشا ناقتى ماقساتتىق الگوريتم جوسپارىن دايارلاپ قويۋى ءتيىس!” – دەدى دەپۋتات «AMANAT» فراكسياسى مۇشەلەرى اتىنان.

بۇعان دەيىن پرەمەر-مينيستردىڭ ءبىرىنشى ورىنباسارى رومان سكليار بىر-ەكى جىل ىشىندە بارلىق ماسەلەلەردى شەشۋ مۇمكىن ەمەس ەكەنىن ايتقان بولاتىن.

بۇل ماقالا تۋرالى نە ويلايسىز؟