«قازاقستان رەسپۋبليكاسى ۇكىمەتىنىڭ قاۋلىسىمەن ق ر مادەنيەت جانە اقپارات مينيسترلىگىنىڭ «جامبىل اتىنداعى قازاق مەملەكەتتىك فيلارمونياسى» جانە «روزا باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمى» رەسپۋبليكالىق مەملەكەتتىك قازىنالىق كاسىپورىندارىنا «اكادەميالىق» مارتەبە بەرىلدى»، – دەپ جازدى مادەنيەت جانە اقپارات ءمينيسترى ايدا بالايەۆا.
اكادەميالىق مارتەبە ونەر ورداسى قىزمەتكەرلەرىنىڭ جالاقىسىن رەتتەۋگە مۇمكىندىك بەرەدى.
مادەنيەت جانە اقپارات مينيسترلىگىنىڭ تۇسىندىرمە جازباسىنا سايكەس، قوس ونەر ورداسى دا كلاسسيكالىق مۋزىكا ونەرى سالاسىندا جەتەكشى بولىپ تابىلاتىن، ۇلتتىق مادەنيەتى مەن ونەرىن قالىپتاستىرۋعا، دامىتۋعا جانە ناسيحاتتاۋعا ەلەۋلى ۇلەس قوسىپ كەلە جاتقان مەكەمەلەر.
